香港
巴黎奥运｜运动员任电视台旁述 表现惹热议 张小伦盼积口福
刚退役的男子花剑“大师兄”张小伦有份为HOY TV担任奥运星级主持，今天（28日）张小伦在社交平台爆Seed，盼大家尊重运动员及在电视台做旁述的运动员。
张小伦写道：“做香港运动员就係咁，一有成绩就係到呱呱嘈，冇成绩就係到X，咁细个地方岀到奥运冠军级别运动员，你估容易丫！要牺牲几多代人嘅努力同付出，牺牲几多位运动付出嘅年轻人，你又识得几多个？？？
唔该大家评论运动员去唔同电影（视）台做旁述嘅时候，积下啲口福，个个捱更抵夜去讲专业运动知识俾你哋听，虽然我哋唔係专业，但係我哋係流住运动员嘅血，係一世㗎，希望分享多啲运动员嘅经历，有得去参与奥运嘅运动员，我哋当然要帮佢哋打气，冇得去嘅一样喺唔同岗位默默努力，不论输赢係咪都要尊重啲运动员，佢哋用人生最青春嘅时光﹑用努力意志去克服唔同嘅比赛同伤患，希望可以有一日踏上颁奖台，证明自己。
其实冇得去参加奥运嘅运动员，都好大勇气行岀来去做运动旁述，仲要比大家批评，我性格就係咁有个句讲个句，唔钟（锺）意我哋嘅好似睇电视一样，揿个掣转台或者熄机。讲完今晚继续OT，香港运动员无论你哋输赢，永远係我心中都係世一。”
蔡俊彦昨日（27日）全日留喺录影厂直击“世一剑后”江旻憓（Vivian）夺金过程，不过可能係第一次做主持，唔太习惯面对镜头，好多嘢发言时都无望镜头，甚至有时会出现dead air 位。而喺决赛一场，蔡俊彦或者係太投入兼紧张，有时连资料都唔记得，要由杨翠玲补充，画面有趣，连强尼都忍唔住问蔡俊彦係咪好眼瞓, 但蔡俊彦就话：“我好紧张，认紧点讲观众易明啲。
”不过蔡俊彦亦有贴心位，例如会提醒捱夜睇比赛嘅观众较细啲冷气、饮多啲水，而佢一句“菠萝战胜法包”亦获不少网民有创意。
事后有网民喺Threads发帖指蔡俊彦主持功力有待改进，估唔到竟然引到正主回覆：“真係唔好意思！第一之做，仍努力学习中，请多强包容，比多次机会啦bro”蔡俊彦呢个回覆即获过千读好，亦有网民指“识打剑唔代表识旁述，识旁述又唔代表hold到成个节目气氛节有嘢。”
文章来源：TVB资讯台 W博：@香港TVB资讯台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
今次香港多个电视台都有派员到现场直击採访，TVB派出何振然率先访问江旻憓，何振然于访问中克制住自己激动开心的心情，在有限时间内问到江旻憓几条重点问题，当中包括由落后到追平、膝头伤患及对港人的说话等等，访问有内容且非常有重点，更出现了“金句”，整个访问过程可说是做得相当出色。
他其后再次访问江旻憓，更安排到江旻憓跟香港直播厂坐镇的队友连翊希对谈，可以隔空畀心心和飞吻。何振然将珍贵的访问时刻留给二人，亦获讚处理得很好，尽见专业、暖心又贴心。
ViuTV记者饶家辉在採访在64强止步的港队柔道女将王嘉莉时，其访问表现被网民洗版式怒轰，指他语气又倔又差﹑似质问多过似访问。
饶家辉问王嘉莉：“完成第一场奥运比赛觉得点？”王嘉莉坦言不满意自己表现，饶再追问她：“唔满意喺边度呀？”王嘉莉回答：“其实係比赛前係咁研究，谂点样防守得好啲，但最后都係做唔到。”
饶家辉续问：“你赛前都讲过想同佢斗立技，但比对手拖到用寝技，最主要关键係咩呢？你有一刻做漏咗咩？”、“你觉得蒙古教练教你嘅嘢，呢场比赛你拎咗出嚟有几多？拎到几多嚟用？”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
