你有冇试过，用粤普同外地人倾计，会搞到一头雾水、鸡同鸭讲？你弹佢嘅，佢以为你赞佢；你赞佢嘅，反而俾佢叼翻转头。
粤语用词，真係好钟意讲反话，经常带住讽刺嘅意思。喺呢个年头，唔识翻几句粤语真係唔好意思出嚟捞！
嗱！攞住呢份嘢，艾特你身边唔识粤语嘅朋友，咪再以为你赞佢啦！
你好嘢！
字面意思：你好棒！赞赏你的意思。
实际意思：算你狠！你有种！
例如：常见喺古惑仔桥段，丧坤想打山鸡嘅时候，俾差佬啱好见到问“你做咩啊”果时，丧坤好唔愤气走嘅时候就会讲“你好嘢！”
你好叻啊！
字面意思：同样喺你好棒！赞赏你的意思。
实际意思：带住讽刺意味嘅赞你，通常心入面并不真正认同。
例如：sandy猪猪今日9点落班讲咗句“今日好早走啊我！”，正Gor反咗个白眼话“你好叻啊！”
好行夹唔送
字面意思：送客人离去，叫你小心看路回去。“请你慢走，恕我不远送了”，感觉好窝心。
实际意思：好想你快D走快D消失，带住讨厌嘅语气，其实喺逐客令，送都唔想送你。
例如：推销佬又嚟到正嘢公司哔哩吧啦一堆，结果俾正Gor出门口讲“好行夹唔送啦！”
多得你唔少
字面意思：好彩你喺度，先可以锦上添花。
实际意思：如果唔喺你喺度，点会做坏呢件事！带住责怪嘅语气，因为你而造成咗麻烦。同“好带携”喺相近嘅意思。
例如：正Gor带sandy出去采编，点知sandy打烂晒间铺D餐具，结果正Gor闹鬼佢话“真係多得你唔少！”
好恨嫁！
字面意思：讨厌结婚，唔想结婚！
实际意思：粤语意思简直喺相反！表示好想结婚，好羡慕结婚的人。以后有女仔同你讲呢句话，千其唔好以为佢唔钟意你！
例如：sandy去参加朋友嘅婚礼，到新人誓词果时喊到飙尿，感叹到“我好恨嫁啊！”
大大话话
字面意思：讲大话，说谎话。
实际意思：算到足，讲到尽，起码的意思。
例如：广州正嘢大大话话都有十个靓女喺度啊！
冚家富贵
字面意思：祝你全家富贵荣华。
实际意思：喺好恶毒嘅粗口骂人，咒人全家灭绝，断子绝孙，“富贵”系指死后收到冥币。如果听到广东人讲呢句话，真係唔好再开心啦。
例如：正Gor喺街边俾共享单车撞到，点知嘅“司机”叼咗下就走人，正Gor喺街度大嗌“祝你冚家富贵”。
整镬金嘅你叹！
字面意思：好好心送一镬金俾你。
实际意思：通常喺要报仇嘅场景下，准备陷害、伤害别人利益，如果有人同你讲呢句话就要小心D啦！
例如：如果有人得罪咗正Gor，佢会好粗坯咁讲“小心我整镬金嘅你叹！”
攞景增庆
字面意思：凑别人热闹，增加喜庆气氛。
实际意思：某D场合有意做出唔适当嘅嘢令人难堪。
例如：暴雨中sandy跌咗落水氹，正Gor见到之后唔扶佢不得止，仲要狂笑，sandy起身之后讲“你依家攞景定增庆啊？！”
佢香咗
字面意思：睇到呢句话，你肯定以为喺话果个人好香啦。
实际意思：咁就大错特错啦！其实喺因为中国人避忌个“死”字，所以粤语都用其他字去形容话呢个人死咗咁解。
例如：以下喺个恐怖嘅故事，正嘢公司养咗缸鱼，有一日俾正Gor摇咗一轮之后，“香咗”！
扮晒蟹
字面意思：扮成蟹的样子。
实际意思：装模作样，充大头鬼，贬义词。
例如：周末sandy化咗个好行嘅妆去一间网红店影装B相，发咗朋友圈之后正Gor留言“扮晒蟹咁！你平时翻工素颜架！”
润你
字面意思：滋润你，不干枯，湿燥适中嘅意思。
实际意思：挖苦，讲D唔好听嘅说话讽刺你。
例如：sandy请咗假去旅游，但喺正Gor请唔到，sandy明润佢话“点解我得你唔得嘅？係咪我靓D啊？”
广州人！外地人有咗呢份嘢，以后唔会再俾你哋蛤架啦！
各位自己友，你哋最钟意讲嘅“反话”喺咩？
今期热点
- 广州 · 宝岗车王-244
- 广州卡丁车版《速度与激情8》纸厂上映，飞车追逐、督波飞镖、乜都有得玩！
- 回头率超高的"秘传·顺德水蛇粥"，火爆到开来广州身边！
- "胶己人"打造嘅潮汕火锅再开新店劲打3.8折
与张志明谈恋爱
- 香港十大真实奇案，远比电视剧恐怖得多...
- 点心只要?9.9，你可能成为最后一位品尝佢地嘅人
- 闲鱼遇到“变态”买家，知道真相后跳楼的心都有了...
- 广州首家逼格最高的毛血旺火锅，就是重庆的味道！
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
