广东
張致恒（Steven）與太太區燕雯（雯雯）一家六口長期陷入財政危機，屢度公開呻窮。近日雯雯再度在網上放負，痛訴家中接連遇上小朋友發燒及停電，面臨「一個月一次Cut電、一年一次搬屋」的絕境，並大爆家中有SEN（特殊教育需要）兒童，更公開質疑丈夫張致恒「憑乜野仲可以繼續娛樂圈呢條路？」面對網民狠批，Steven近日接受網上頻道《鼎豐盛》訪問，親自解畫為何在窮途末路下依然堅持養狗，以及堅拒申請破產和綜援的原因。
張致恒直言暫時未有能力還清所有債務。（IG@stevencheung）
張致恒現身街頭駁線。（小紅書截圖）
死慳死抵堅持養狗 嘆無工人難出外搵錢
早前Steven已就聘請外傭及養狗的問題作出過回應。他坦言太太要獨力照顧四名幼子幾乎不可能，加上有兒子患自閉症，情緒較難安撫，直指：「唔請工人去幫我老婆手嘅話，其實基本上係冇乜可能，除非我唔返工，兩個人就喺度困獸鬥。」至於被批窮到燶仍養狗，他強調愛犬是婚前已飼養十多年的家人，絕不能因經濟壓力就棄養：「就算死慳死抵，我哋都會整最平嘅嘢畀佢哋食，去維持大家關係。」
拒絕破產逃避債務：借錢唔還是不道德行為
在最新一集訪問中，Steven被問到為何不選擇破產重新做人。他坦言不少朋友都有此建議，認為破產後不用煩惱，捱過幾年便能做回「正常人」。但他直言過不到自己那一關，認為這是不負責任的做法：「雖然我而家還唔到錢畀人，都係一個好唔道德嘅行為，但係總好過我申請破產，直接避開咗呢個責任。」
他明言若選擇破產逃避：「行出街都唔敢抬起頭」。他強調自己有努力計劃還錢，對債主負上應有責任：「每一次出糧，我都會去計劃出糧還少少，少少畀唔同嘅朋友。」
有手有腳拒領綜援：唔想淨係攤大張手板攞錢
至於為何不申請綜援減輕家庭負擔？Steven直言自己「有手有腳」，希望靠自己努力尋找更多機會改善家庭環境。他澄清並非歧視領取綜援的人，只是不想自己變得頹廢：「我唔想淨係攤開手掌攞錢，剩係喺度湊仔。」
他更自爆自己不能停下來，必須靠工作維持心理健康：「我覺得唔做嘢，我整個人好壓抑啊！其實我一冇嘢做，我就好辛苦嘞。」 他解釋，領取綜援的金額只剛好夠家庭基本開支，若要還錢給朋友根本遙遙無期：「我點樣對人哋去做返一個負責任嘅態度呢？除了對屋企要負責任，對我嘅債主都要去負返呢個責任架嘛！所以我一直唔去攞綜緩，唔去破產就係有個咁嘅原因。」
張致恒2019年與太太區燕雯（雯雯）結婚後，先後誕下4名兒子。(ig@stevencheung)
兒子已漸漸長大，Steven透露二子患有過度活躍及自閉症。（IG@stevencheung）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
