广东
日前古巨基孖住程人富，齊齊現身匹克球（Pickleball）場地，更膽粗粗對戰中國香港匹克球代表隊！據知古sir已秘密練兵幾個月的Pickleball，就是為了要挑戰港隊，面對技術比自己高幾十班的港隊球手，古sir揚言：「我哋打Pickleball就唔好怯，怯就輸成世！」原來「唔好怯」的背後，古sir暗中出茅招。
古巨基現身匹克球場地。（公關提供）
一向玩得的古sir及程人富，深知自己「初階」功力未夠，竟然出動「人多蝦人少」戰術！他們的隊伍除了他們二人，更帶多了八個「影分身」落場，組成「十人軍團」！相反港隊一邊就只得兩名代表上陣，擺明讓賽。比賽亦訂明規矩，古sir一隊每輸一分就要淘汰一個「分身」，以最先得到十一分為勝。
古巨基組十人軍團挑機匹克球港隊。（公關提供）
古巨基秘密練兵幾個月挑機港隊
比賽一開始，港隊先派出兩名女將吳麗萍及林映雪應戰，面對古sir的十人軍團，開頭兩邊都有失誤，但港隊代表始終技高一籌，分數上一直領先。
打到中段，港隊換入兩名男將李俊瑋及林浚鿋上場，節奏跟力量即刻升級，古sir一邊愈打愈少人，由十個變五個，再變三個，最後只剩古sir及程人富兩個孤軍作戰。即使每次古sir隊伍亦偶有得分，整隊都開心到跳起，士氣極之高昂，可惜實力有明顯差距，最終港隊以11:7輕取古sir的十人軍團。
港隊以11:7輕取古sir的十人軍團。。（公關提供）
匹克球友誼賽落敗為世界盃集氣
今次的友誼賽其實別具意義，目的是要為即將出戰「Pickleball世界盃」的中國香港代表隊打氣！據知港隊今次會派出26位精英球員，包括亞洲男子排名第一嘅王康傑同香港女子排名第一嘅鄧諾瑤，下個月會去越南峴港出戰世界盃，就連前羽毛球奧運獎牌得主陳念慈都會復出參賽，絕對星光熠熠。
近期愛上Pickleball的古sir，賽後分享感受時仍難掩興奮：「私底下同幾位球員都有一齊玩，不過今次比賽真係好搞笑！雖然我哋出動人多戰術都係輸，但係呢個運動真係好好玩，我呢幾個月都頻頻練波。希望港隊喺嚟緊世界盃拎到好成績，到時大家一齊為佢哋集氣！」古sir笑言雖然今次輸波，但已經燃起了他的運動魂，「有時間一定會勤力練波，希望將來我都可以代表港隊！」
為世界盃集氣。（公關提供）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
