广东
現年33歲的商台DJ黃正宜（阿正）近年人氣急升，吸金力驚人的她除了接拍多個品牌廣告，升呢做咖啡店老闆亦已經3年，難怪被網民笑稱為「廣播道小富婆」。日前她被拍到搬入豪宅區加多利山，與劉德華、陳慧琳之鄰，盡顯星級富婆氣派。昨日（21日）阿正又大晒財力去收新車，原來今次買車主要是為了送給細佬揸，她更帶同DJ大哥森美齊齊去試車，兩人的爆笑互動令網民笑爆肚！
阿正近年人氣急升吸金力驚人。（IG@903ahjeng）
阿正接棒小儀火速上位。（IG@903ahjeng）
森美與阿正EIsie新節目開播。（IG@903ahjeng）
森美震驚富婆VIP待遇 酬勞僅得三隻烚蛋
影片一開始，森美對於要親自到車行收車大表疑惑，直言自己都未試過親自來攞車。當阿正反問森美之前買新車是否都有親自收車時，森美輕描淡寫地回答：「嗰陣時送到我屋企㗎喎！」此話一出，令阿正頓時震驚到口啞啞！
阿正今次出動森美做司機陪拎車，沒想到酬勞竟然只得三隻烚蛋！兩人在車行等待期間齊齊剝烚蛋食，森美忍不住對住鏡頭自嘲：「而家啲司機房呢... 真係經濟唔好啊。」阿正亦在帖文中搞笑寫道：「我用三隻烚蛋答謝大哥陪我拎車之恩」
阿正仍然單身。（IG@903ahjeng）
搵埋森美大哥幫手攞新車。（IG@903ahjeng）
酬勞係三隻恰蛋。（IG@903ahjeng）
親身收車全為靚仔Sales 森美：睇吓夠唔夠我靚仔
到底點解森美今次願意破例親自出馬收車？阿正對住鏡頭爆笑剖白：「今日係我攞車嘅日子，佢哋同我講個Sales好靚仔，之後大哥話唔信，所以佢都嚟咗！」字幕打出森美心聲：「睇吓夠唔夠我靚仔先！」當傳說中的靚仔Sales Calvin終於現身時，森美原本想拍攝阿正與靚仔Sales，但鏡頭卻反轉不停影住自己，被阿正取笑不懂用相機，場面惹笑。
笑森美唔識用手機拍攝。（IG@903ahjeng）
阿正口中嘅靚仔sales。（IG@903ahjeng）
新車好靚仔。（IG@903ahjeng）
買車俾細佬。（IG@903ahjeng）
當森美係爸爸。（IG@903ahjeng）
森美化身「老司機」鎖車門 阿正霸氣反擊：等我養你啦！
綠色的新車正式亮相，阿正隨即將車匙交給細佬，霸氣表示：「你架細佬，架車主要買畀你㗎！」隨後眾人上車，由森美化身「老司機」負責試車。阿正和森美在車內瘋狂鬥嘴，講笑應改由靚仔Sales幫忙揸回家，並將車門的兒童鎖（Child Lock）全部鎖上，仍然單身的阿正笑說：「 You are my child~等我養你啦！」森美笑稱：「真係好恐怖！」
最後阿正亦在帖文中向大家介紹這位新家庭成員：「同大家介紹我最新家庭成員——帶子#我架車叫帶子#練咗幾日車好似好少少#我想揸車去玩冒險樂園」。
自嘲冇friend。（IG@903ahjeng）
開靚仔sales玩笑。（IG@903ahjeng）
要養靚仔sales？（IG@903ahjeng）
森美爆笑話：「好恐怖！」（IG@903ahjeng）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
