广东
馬天佑在圈中一向人緣絕佳，出一首歌閒閒地找到幾十位藝人朋友合唱，而近日他與好友JW為節目《新城任務35》開咪，期間JW要他選出最好人、最靚、最醒、最難合作的藝人，他亦一一大方回答，甚至自爆被一位行內人出賣。而講到「最好人」，他毫不猶豫表示是佘詩曼，分享阿佘幫他錄《我們什麼都不是》Cover時的溫暖事蹟：「我一定揀佘詩曼，我哋拍《我們什麼都不是》嗰條片我諗錄咗4、5個鐘，你可唔可以相信？我哋錄咗音先㗎嘛，錄完音本身好快搞掂，跟住佢問『點呀？』我話『It’s good.』佢話『我唔要good，我要perfect。我大把時間同你錄，錄到perfect為止！』仲要嗰時係《新聞女王》出街，佢忙到爆炸，佢同我講咗一句『我應承得你，我一定要做到最好！』我真係想喊，嗰晚返到屋企，我係震住咁瞓覺，你知唔知我好感動呀！拍完之後佢再同我講，如果你覺得唔夠，你再約我，我哋再出嚟。」儘管二人本身只見過幾次面，但馬天佑直言跟佘詩曼合作後，自己的工作態度都隨之改變。
近日馬天佑與好友JW為節目《新城任務35》開咪，期間JW要他選出最好人、最靚、最醒、最難合作的藝人，他亦一一大方回答，甚至自爆被一位行內人出賣。（YouTube@ 新城知訊台）
而講到「最好人」，他毫不猶豫表示是佘詩曼，分享阿佘幫他錄《我們什麼都不是》，時的溫暖事蹟：「嗰條片我諗錄咗4、5個鐘……錄完音本身好快搞掂，跟住佢問『點呀？』我話『It’s good.』佢話『我唔要good，我要perfect。我大把時間同你錄，錄到perfect為止！』」（IG@mayaoo）
讚容祖兒越嚟越靚似舒淇 佩服阿Sa默默耕耘心態健康
之後JW再問馬天佑心中「最靚」藝人，他回答：「我細個好鍾意容祖兒，我第一隻買嘅碟就係容祖兒《未知》，我覺得佢愈嚟愈靚，前幾日見到佢呢，我心諗『嘩，點解咁似舒淇嘅？』好有女人味。」而容祖兒亦是他從未合作卻又最想合作的藝人，他希望留一個最特別的位置予這位偶像。而輪到「最Smart」，馬天佑說：「我成日覺得做呢行嘅態度上，阿Sa（蔡卓妍）嘅態度係影響我好大嘅，阿Sa係好紅，Twins一出嚟第一首歌《明愛暗戀補習社》 街知巷聞，但佢對於自己嘅事業嗰個態度，係處於一個默默耕耘，每一步唔好貪心，做好眼前嘅嘢，一步一步慢慢做好佢。呢個心態係超級健康，我覺得呢樣嘢係好幫到我，呢一行真係好多唔同心態，可能有啲人想行捷徑，但有佢呢啲example係好幫到我。」
之後JW再問馬天佑心中「最靚」藝人，他回答：「我細個好鍾意容祖兒，我第一隻買嘅碟就係容祖兒《未知》，我覺得佢愈嚟愈靚。」（IG@mayaoo）
馬天佑指：「前幾日見到容祖兒呢，我心諗『嘩，點解咁似舒淇嘅？』好有女人味。」（IG@yungchoyee）
而輪到「最Smart」，馬天佑說：「我成日覺得做呢行嘅態度上，阿Sa（蔡卓妍）嘅態度係影響我好大嘅。」他指Twins一出道即爆紅，然而阿Sa對自己事業的態度，是處於一個默默耕耘，不貪心、只做好眼前工作，循序漸進做好，他認為這個心態超級健康，也是很好的榜樣。（IG@mayaoo）
坦言與蔡依林最難合作 絕不重複舊造型需掌握過千髮型
而JW的下一題問題，就問馬天佑覺得最難合作、最辛苦的是誰，他大方表示：「我覺得同蔡依林做嘢係好難嘅！點解呢？我哋香港歌手冇規限得咁犀利，但台灣歌手佢哋每一個時期做嘅嘢係完全唔同嘅，一時玩依樣嘢，一時玩依樣嘢，但同蔡依林work呢，就係你唔可以重複任何佢做過嘅嘢，第一你要100%熟晒佢做過嘅所有嘢，唔可以提出一啲佢曾經試過嘅嘢，妝同頭都係！我嗰時係做髮型，嘩，佢應該試過1000個髮型，你要了解佢之前1000個髮型係啲咩先，天后走出嚟，歌迷就係唔想睇啲一樣嘅嘢呀嘛！佢唔會出嚟再玩《舞孃》嗰個絲帶，你要study晒佢啲嘢，尤其是做頂級天后，你真係要做好晒準備，我覺得我好有信心嘅呢方面，呢個我強項。」
馬天佑覺得最難合作的是蔡依林：「就係你唔可以重複任何佢做過嘅嘢，第一你要100%熟晒佢做過嘅所有嘢，唔可以提出一啲佢曾經試過嘅嘢，妝同頭都係！」（IG@jolin_cai）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
