广东
羅天宇今日（1日）為麥當勞叔叔之家慈善基金活動擔任嘉賓，在活動進行期間，他突然流鼻血，幸好他褲袋裡有紙巾可以即時拿來按住止血，他蹲低一會極速止血後便沒事。羅天宇說：「唔知點解會流鼻血，好彩無流到周圍都係，會好尷尬。尋晚做溦溦（谷婭溦）生日音樂會嘉賓，我要rap，唱返首《中年好聲音4》嗰時唱嘅歌，前幾日瞓得唔好，可能有壓力，所以流鼻血。（之前被淘汰咗有無陰影？）我覺得自己唱歌有進步，跳舞就要再努力啲。都想知道自己再次喺台上面表演時嘅表現係點，下次會再做得好啲。周志康仲喺裡面，都想佢去到最後，感覺我同佢一齊作戰緊。」
羅天宇。(陳順禎攝)
羅天宇突然流鼻血。(陳順禎攝)
羅天宇好快止血。(陳順禎攝)
想做一個浴室好聲音節目
羅天宇表示在《中4》遭到淘汰後，有去中山做蕭正楠演唱會嘉賓。問到羅天宇可有向唱片公司自薦？他說：「都有問下公司，等公司忙完之後先再計劃。其實我想做一個浴室好聲音，因為沖涼時係喺零壓力底下，睇下會唱成點，我唔係想露肉。（有咩工作大計？嚟緊會開劇，仲有商演同埋做啲social media嘅嘢，依家有練好多球類運動，遲啲有啲慈善活動可以出一份力。」
羅天宇接受訪問。(陳順禎攝)
羅天宇與胡定欣。(陳順禎攝)
羅天宇為慈善出力。(陳順禎攝)
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
