广东
馬德鐘入行超過30年，拍超過一百部中港電視劇及電影，當中遇過不少驚險場面，其中兩次更與死神擦身而過。他分享一次在大陸拍攝投江戲份，當時穿著厚重的軍靴和衣服跳入江中，沒想到水流湍急，整個人迅速下沉，完全無法浮出水面。他在生死一瞬掙扎，最後幸好工作人員及時遞上一根竹竿，他才死裡逃生。馬德鐘回憶道：「嗰次真係好危險，江水流得好急，我著住對軍靴好重，成個人一直沉落去。我喺水入面係咁掙扎，嗰一刻真係以為自己會就咁浸死！」
馬德鐘試過拍戲投江險遇溺，以為自己會死。（葉志明 攝）
拍槍戰戲長針插頸險喪命
除了在內地搏命，馬德鐘在TVB拍劇時亦曾發生致命意外。當時正在拍攝一場槍戰爆破戲，現場意外令一根長針飛射而出，直接插在他的頸部，且位置就在動脈旁邊，只需偏離少許便會導致大出血喪命。馬德鐘至今仍心有餘悸，他直述當時的情況：「當時拍緊爆破，突然間覺得條頸好痛，叫人一睇就叫我唔好郁，原來有支針咁長（約5cm）插咗入去（頸），喺動脈隔離插咗入去，剩返少少個頭出嚟，即刻去醫院拎番出嚟，醫生話好彩差少少就喺動脈隔離，插唔正，呢啲係意外。」
馬德鐘拍爆破戲，試過被長約5cm長針插入頸，位置近頸動脈好危險。（影片截圖）
馬德鐘經常演警察，試過拍槍戰戲時被長針插入頸，位置近頸動脈好危險。（資料圖片）
《飛虎》中飾演飛虎隊高級督察展Sir的馬德鐘，不時展現其領導才能，盡顯型英帥一面。（資料圖片）
大家對馬德鐘曾做過警員相信並不陌生，因為他是效力過G4的精英份子。（《飛虎》劇照）
患罕見病醫生斷症：唔會好嘅
事業搏殺期，馬德鐘的身體亦曾響起警號。三十多歲時，他確診患上強直性脊椎炎，這是一個免疫系統疾病，他說：「大家都話點解你會咁，我都唔知，郁唔到，瞓咗起唔到身。」醫生當時告訴他，這個病「嚴重會死，同唔會好番」，他說：「你嘅關節會全部僵硬，關節與關節之間會融埋一齊……等於蠟燭融埋一齊，你點樣可以搣番兩條蠟燭呢？冇㗎。」這種痛楚反反覆覆，現學會了與病共存，靠運動、飲食和藥物控制病情。
50歲後展開人生新篇章
57歲的馬德鐘，自覺50歲後是人生另一個起跑點，笑言：「50歲前係另一個我自己.....我而家得幾歲。」在中一便認識的太太張筱蘭影響下，近年他開始茹素，他形容「學霸」太太是他的人生導師，兩人現在的生活方式非常簡單，甚至不再慶祝生日或節日。「我哋係去享受每一個時刻，去珍惜每一個時刻……哪怕今日去街市買菜，都係一個很享受的時刻。」至於兒子馬在驤，他形容父子關係如同兄弟，兒子性格平靜獨立，並不需要他過多操心。
馬德鐘與太太張筱蘭結婚逾30年。(FB圖片)
馬德鐘與太太張筱蘭結婚逾30年。（微博圖片）
馬德鐘與太太張筱蘭結婚逾30年。（微博圖片）
保養太好惹整容疑雲
對於坊間指他近年樣貌變化大，馬德鐘笑著否認整容，更要為「膠樣」平反：「我皺紋都有㗎！但只要有人話你保養得好，都會話你整容，就連幫我做facial嘅女仔都問我係咪偷偷地走做其他嘢，話點解你咁緊緻，哈哈。」他解釋這是飲食習慣改變的結果：「我以前係食肉獸，可能嗰陣時長期係水腫眼浮出嚟。而家冇水腫，雙眼皮好似深一啲，大家就以為我整容」，他還教大家不要懶惰，要勤於護膚和塗防曬。
馬德鐘屢傳整容現「膠樣」，但佢自信十足指自己有皺紋。（葉志明 攝）
馬德鐘同兒子馬在驤（Xiang）經常被指似兄弟。（資料圖片）
馬德鐘保養得宜，屢傳整容都唔太介意。（葉志明 攝）
馬德鐘覺得50歲後嘅自己，係人生另一個起跑點。（葉志明 攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
