广东
分享至
樂壇與影壇的「大佬」級對碰，往往藏在酒酣耳熱的私下聚會中。日前（15/2）賈思樂音樂會中，「三哥」苗僑偉和老友黃日華一同出席做嘉賓睇騷。他們受訪時大談圈中趣事，更意外曝光了女兒在追星路上的「慘痛經歷」。
苗僑偉和黃日華好風趣。（林迅景 攝）
苗僑偉唔敢搶古更樂咪
提到與古天樂的交情，三哥被問及會否與歌聲了得的古仔「搶咪」唱歌。三哥隨即大笑，耍手兼擰頭直呼：「古仔攞住支咪，邊個敢同佢搶呀？佢攞住支咪，成條路都係佢㗎啦！」一句話盡顯古天樂氣場，逗得全場大笑。
「三哥」苗僑偉和老友黃日華一同出席賈思樂音樂會睇騷。（林迅景 攝）
黃日華女兒抽卡成「非酋」
話鋒一轉，黃日華提到近期女兒沉迷於抽《尋秦記》記念卡，但怎樣都抽不到三哥Ken的角色卡，更前後花費了數萬元。三哥就感嘆這就是人生：「呢個世界就係咁，你想要嘅就偏偏唔出現，你唔想要嘅就成日喺你面前。」 記者提議三哥可以簽一張相給黃日華女兒「補數」。黃日華說：「佢話自己都冇！」三哥就笑言：「世姪女，佢鍾意咪嚟見我囉，使乜簽個名俾佢。」
「三哥」苗僑偉和老友黃日華一同出席賈思樂音樂會睇騷。（林迅景 攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
