广东
彭秀慧（KP）主持的ViuTV節目《晚吹 – Chat KP》，最新一集邀請到電影《尋秦記》兩位主演古天樂、林峯前來分享拍攝點滴。講到戲中項少龍與趙盤在碼頭離別流淚一幕值回票價，即使未睇過電視劇都會為之動容，林峯就大爆這場戲拍得超順利，兩take就完成。他直言：「其實個感情好流暢、好真情流露，心情好似係儲咗20幾年呢個角色嘅內心世界，好澎湃，角色基礎好好，所以好自然就演到出嚟。」但古天樂就笑言，拍攝時最怕的是現場有隻狗不停吠，幸好最後冇影響拍攝。
彭秀慧（KP）主持的ViuTV節目《晚吹 – Chat KP》，最新一集邀請到電影《尋秦記》兩位主演古天樂、林峯前來分享拍攝點滴。（ViuTV）
古天樂亦分享謝票時的趣事，表示意想不到現時年僅幾歲的小朋友看完電影後，竟然會主動去追看四十集的電視劇，令他難以置信，因現時小朋友一般較冇耐性，更將《天命最高》聽到入晒腦。
古天樂罕有感性落淚 看母親生日合照悟出「珍惜眼前人」
今集話題轉到「男兒淚」，平時予人硬漢形象的古天樂，竟然自爆最近一次落淚是不久之前。早前古天樂罕有地在社交平台分享一家三口的合照，他在節目上透露：「嗰日我媽生日，同我媽食飯，咁影咗張相，影完之後我望住張相望咗好耐，我覺得我好少post我屋企人啲相出去，上一張應該成十幾年前都有，突然間望住張相就覺得，咩叫珍惜眼前人。呢幾年無論係疫情定戰亂，各方面嘅嘢，突然間個世界好似變得好緊要，但點變都好，有樣嘢就係，你唔識珍惜眼前人就好大問題。呢部戲都有講，過去嘅嘢我哋無辦法改變，但眼前嚟緊嘅嘢我哋可以去珍惜嘅。」他亦是因此決定要貼出合照，否認是感性，更問：「其實仲有幾多年呢餐飯可以食到？」
古天樂自爆最近一次落淚是不久之前，與母親食飯時影相，深深感受到何謂珍惜眼前人。（ViuTV）
古天樂罕有貼出一家人的合照，他看著這張相落下男兒淚，否認是感性，更表示：「其實仲有幾多年呢餐飯可以食到？」（Threads@kootinlok_louis）
古天樂上次分享全家福已是十多年前，但他又說：「呢幾年無論係疫情定戰亂，各方面嘅嘢，突然間個世界好似變得好緊要，但點變都好，有樣嘢就係，你唔識珍惜眼前人就好大問題。呢部戲都有講，過去嘅嘢我哋無辦法改變，但眼前嚟緊嘅嘢我哋可以去珍惜嘅。」（網上圖片）
林峯台灣謝票感觸良多 遭古天樂搞笑調侃：係咪攰到喊？
至於林峯，他表示上一次哭泣是數個月前想起家人，不過早前到台灣宣傳電影亦令他感慨萬分，此時古天樂搞笑地調侃問「係咪攰到喊？」，但林峯解釋那是感動。他表示因為未去過台灣謝票，他說歷年來各地觀眾可能會去香港看他演唱會，但自己終於能親身到台灣謝票，接觸當地粉絲：「見到佢哋咁多年，講緊20年以上嘅個份支持，我會諗返起，我成個演藝事業嗰個原動力都係源自佢哋，令我可以堅持。」比起歌手在台上接收掌聲，演員躲在片場，只能靠謝票接觸觀眾，兩種方式不同，所以那份感動特別深刻。
林峯講到上次哭泣是早前去台灣謝票時，古天樂即問：「係咪攰到喊？」（ViuTV）
林峯表示歷年來各地觀眾可能會去香港看他演唱會，但自己終於能親身到台灣謝票，接觸當地粉絲：「見到佢哋咁多年，講緊20年以上嘅個份支持，我會諗返起，我成個演藝事業嗰個原動力都係源自佢哋，令我可以堅持。」（ViuTV）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
