广东
分享至
無綫今日（21/1）於電視城舉行「長期服務暨傑出員工榮譽大獎頒獎典禮2025」。鄧伊婷獲頒發10年服服獎，她接受《香港01》訪問時表示：「我完全冇諗過會攞呢個獎，經理人通知我嘅時候我都唔敢相信，因為我完全冇印象我入咗公司啦10年。」
鄧伊婷獲頒10年服務獎 。（夏家朗攝）
鄧伊婷續：「其實呢個獎項，亦係一個對我好好嘅提醒，要好好為自己打算一吓，因為我份人都幾佛系，一開始都有得拍嘢就拍嘢，冇得拍就有佢，個人冇乜目標。咁我今次攞呢個 10年金牌之後，我就俾咗自己一個目標，我就係希望我嚟緊會有提名可以出席頒獎典禮。」
鄧伊婷大爆曾被監製無視。（夏家朗攝）
被問到如何爭取機會？鄧伊婷表示：「因為我之前合作開嘅監製好多都退咗休，而家呢啲監製我就唔太熟。所以重新認識。都會諗住再主動去敲門。不過其實之前我喺公司有挫折試過敲門，曾經試過敲門被無視。嗰次一推開門準備介紹自己，個男監製就即刻講佢唔得閒，嗰吓我係有啲唔開心，係有啲打擊嘅。不過上去前我係預咗可能會有咁嘅情形出現。事後我都會諗可能人哋真係好忙呢。」
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
