广东
分享至
無綫今日（21/1）於電視城舉行「長期服務暨傑出員工榮譽大獎頒獎典禮2025」。「三項鐵人」崔錦棠獲頒10年服務獎，他接受《香港01》訪問時表示：「時間過得好快，咁就十年，我由15年開始第一次做藝員係好意外，當時珍姐俾個機會我，我由體育主持轉做藝員，都係戰戰兢兢咁去做，試咗好多角色，因為我係主持出身，就做好多好正氣嘅角色，例如律師，醫生同法官，但係最後好感恩入咗《愛回家》變咗一個好鬼滑頭嘅 Andy，反而係入咗屋。」
崔錦棠獲頒10年服務獎。（夏家朗攝）
崔錦棠衷心感謝珍姐給予機會，又指當初由主持轉做演員不容易：「記得當初阿珍同我講話轉做演員，我問佢點解你覺得我可以？佢就話我開主持，應該講嘢冇問題，仲叫我俾心機去做，而我未學過，變咗一路做一路學。我由體育組完之後再行一條新嘅路，係佢俾呢個機會我，同埋鼓勵我。」
崔錦棠感恩珍姐給予機會給鼓勵。（夏家朗攝）
崔錦棠獲無綫頒發10年服務獎 。（夏家朗攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
