广东
《尋秦記》電影版自去年12月31日上映後，至今兩星期內大破6600萬元票房，大受觀眾歡迎。《尋秦記》劇組昨日（13日）舉行台前幕後慰勞宴，總監製兼男主角古天樂攜同林峯、宣萱、郭羨妮、滕麗名等一眾演員出席，更獲劇集版「雅夫人」雪梨到場支持！古天樂於宴會前受訪，透露希望1億票房後推出加長版，令各位影迷甚感期待！
古天樂攜同宣萱、林峯、郭羨妮、滕麗名、朱鑑然出席《尋秦記》台前幕後慰勞宴。（陳順禎 攝）
《尋秦記》劇組一同慶祝票房大破6600萬。（陳順禎 攝）
滕麗名盼加長版補充山寨戲份 笑郭羨妮竟對牛彈琴？
郭羨妮與滕麗名在宴會前接受《香港01》訪問，談到希望在加長版重見天日的戲份，滕麗名表示：「多啲山寨嘅戲啦，因為山寨入面其實好靚，用咗好多錢、啲水車真係用得、可以住人！同埋山寨入面有好多情感戲，肥腸佢哋好多戲，剪咗有少少可惜，希望可以加返多啲。」至於古天樂點名關於善柔的戲份，滕麗名卻表示：「其實我都唔記得咗仲拍咗啲咩！哈哈！」
郭羨妮與滕麗名在慰勞宴前接受傳媒訪問。（陳順禎 攝）
郭羨妮與古天樂戲份甚多，表示希望在項家開場的戲份能夠更詳盡：「屋企嗰邊嘅戲份，好似心型牛扒嗰啲，見到少少但冇剪落去，希望加長版剪返落去。我記得仲有拍到餵牛，唔止係彈琴嘅。」滕麗名隨即開玩笑：「即係對牛彈琴？」郭羨妮大笑表示：「哈哈，有彈琴嘅！仲有啲NG片段，大家都好鍾意睇！」
滕麗名開玩笑指刪剪片段中郭羨妮對牛彈琴。（陳順禎 攝）
郭羨妮女兒對《尋秦記》一日破1000萬引以為傲
《尋秦記》在內地及香港大受歡迎，郭羨妮表示將會安排女兒入場觀賞：「佢未睇，但會同我屋企人睇。佢以為係以前嗰啲戲，但我同佢講唔係㗎、第一日已經破1000萬票房！佢即刻喺社交媒體到周圍同人講，好以我為驕傲！」
郭羨妮透露女兒以《尋秦記》票房成功為傲。（陳順禎 攝）
最近郭羨妮與古天樂等當年到台灣宣傳的神顏值影片瘋傳，郭羨妮表示當年簡單打扮亦能夠上鏡：「我有睇呀！冇乜點變啫？嗰時好容易、好求其化妝整頭出嚟都好靚，依家就要精細啲囉！」滕麗名則表示有時對童顏不老感到奇怪：「我係靠拍劇保養！（郭：同埋倒吊？）係呀，鬆下啲筋係要做嘅！其實我拍《尋秦記》嘅時候都有拍《愛回家》，又唔見有人喺《愛回家》話我不老？係咪先！」
郭羨妮、滕麗名均被觀眾網民大讚凍齡不老。（陳順禎 攝）
滕麗名多年來樣貌身材均保養得童顏不老！（陳順禎 攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
