21岁TVB力捧男星被公开忘恩负义，又再指责大话连篇、吃饭不付钱

现年21岁的冯皓扬于2022年凭《妈妈的神奇小子》，以17岁之龄夺得「最佳男配角」。冯皓扬加入TVB后再于日前（4日）于《万千星辉颁奖典礼》中再下一城夺得「最佳新人奖」，但人红是非多，昨日（6日）他曾就读的小童星训练学院创办人「Momo校长」又拍片力数他的不是。

去年11月Momo校长曾骂冯皓扬忘恩负义、过桥抽板及红咗唔认人。而他亦回应表示「问心无愧」：其实同我合作过嘅人，都会知道我系一个咩嘅人，唔会因为某一啲人讲嘅说话而影响到佢哋对我嘅认知。」

Momo校长昨日再指片力数冯皓扬，她一开口就已经听得出有骨：首先恭喜佢，真系实至名归！原来大话连篇就被鼓励，一个有10年演出经验，攞过金像奖嘅人竟然仲攞新人奖。」

她大爆冯皓扬小时候曾三次吃饭没付钱，要她去解围：讲到问心无愧，佢真系专家，当年佢未成年㗎，但佢已经食饭唔畀钱嘅专才！佢食完走数，连佢父母都唔肯去赎佢，话好丑㖞！最后佢硬住头皮揾我救佢，仲同佢解咗围，我仲同当时17岁嘅佢讲，你唔觉得丑，我都觉得丑。唔够一个月，同一间舖，上演同样戏码。」

Momo校长继续指冯皓扬之后又再犯同样的错误，当时因为她正在用餐，所以遥控来帮他解决事件：「佢当时著住我学院校服，我唔想令学校名誉扫地，最后我系用Payme帮呢位未来最佳新人找数。当时我用好严肃语气同佢讲，再救你第三次，你知唔知丑字点写，7岁细路都唔会做呢啲行为。」

而当时冯皓扬回应Momo校长指自己还未成年，但因为他的一句，令到Momo校长记到今时今日。Momo校长续指：「我话未成年唔系大晒㗎。今日佢对住全港媒体讲问心无愧，我绝对相信嘅，因为喺佢嘅世界观一直如此，佢梗系问心无愧啦，走得嘅无数，走唔甩嘅就揾人抹屎，一句问心无愧，就抹走人哋一切嘅恩情，回避所有嘅证据，因为佢相信只要佢够红，有公司维护，有奖项光环，最终舆论都会帮佢找数，将所有丑陋一笔勾销，呢个就系我哋香港未来偶像。」

Momo校长其实已经不是第一次拍片力数冯皓扬，所以都有不少网民质疑及反撃，指她「要追杀一个人都几落力」，Momo校长亦有亲自回复︰「为咗攞返公义，冇计啦。」有网民提议她去「报东张」，明责怪他：「人哋攞奖你就出嚟抽水。」但Momo校长立即否认抽水：「抽水都要有得抽先得㗎，佢冇做过我点抽？唔见我抽陈豪水？因为人哋都冇嘢俾我讲。」除了网民质疑外，亦有疑似学校前职员大爆她为人有问题，而童星学校亦曾被家长告上法庭。

冯皓扬经理人方面亦对此事作出回应：「已交由律师处理。我听返佢妈咪讲，小朋友13、4岁时，有时唔记得带银包出街好正常，最后有揾妈咪，揾人帮佢处理畀返钱，唔系无畀钱走咗去，事后亦有俾返钱人。如果小朋友要呃食，都唔会再去返同一间食啦。我哋答，又可能畀人没完没了，所以交畀律师处理。」