台上失准！前TVB知名男星遭同事斥责瞬间暴怒：一部手机就扔过去

现年37岁的许廷铿（Alfred）2009年参加TVB《超级巨声》出身，2017年他离开星梦娱乐，转投华纳唱片，一度传出被时任行政总裁何哲图封杀。其后他夺得「叱咤乐坛男歌手金奖」，事业如日中天。直到2021年与华纳完约，他离开后创立个人唱片公司「自许纪录」，最近又成为了匹克球教练，可是公开活动却减少，一度网民戏称为「失踪人口」。

许廷铿近日接受YouTube频道《SpotiTalk》访问，揭开一件鲜为人知的事，他忆述曾经因为台上表演失准被同事当众批评，一气之下扔电话发泄，「一个电话车落去！」

许廷铿被问到入行以来是否有发生过不如意事，他忆述当年决心离开TVB，旧东家TVB和何哲图均得知，想留住他。许廷铿其后出席《劲歌金曲颁奖典礼》攞奖，他花了大量心思改善表演，期间却被台上烟雾呛到，导致表现失准，他说：「唱《青春颂》嘅时候有啲浊亲，但冇人知。但要顶住佢，唔可以失礼。」

其后许廷铿出席庆功宴，他一到场气氛却变得十分奇怪，「我去到Joyce（郑欣宜）嗰度嘅时候，我嚟到突然间气氛好奇怪，嗰时有Joyce、同事喺度，谂住打边炉。我同事出声话：『其实你Perform得唔好！你冇尽到你嘅力。』」

许廷铿在「大喜日子」听到同事批评，情绪崩溃扔电话落墙，他说：「唔知点解嗰吓一上头，嗰日已经好攰，谂咗好多嘢希望成功，畀咗好多力令到呢件事可以扭转到，唔系一个『金针云耳』奖。我唔知点解，我完全控制唔到个情绪，我一部电话就车落去。好彩喺我同事身边飞过去，『嘭！』撞咗落墙，电话跌落地。」

许廷铿坦言当时扔完电话都「呆咗」，「但我同事劲啦，执返起佢。」许廷铿解释当时很压抑，「我做完表演，你都知难顶，系咪去到咁嘅状态，你都要揶揄我呢？」他又指与同事都「互相Push到大家嘅Standard都去到冇空间位置。」忘记了享受唱歌。他透露，如今已没有再与该位同事合作。

另外，提到当年突然离开华纳，许廷铿提到是华纳主动提出解约。他直言：「嗰时大家都有agreement，个timing差唔多啦，咁我哋就轻松带过啦。咁其实我嗰阵时叫做有啲震惊、都几突然嘅，当我知道嘅时候，我内心当然好大反应啦。咁我就OK啦，好成熟处理，好似分手咁。咁我就谂以后嘅去向啰。咁嗰个阶段嘅我好多人紧恭喜我啦，啱啱攞咗奖冇耐，二月嘅时候，就开始倾，就话要开始解约啦。」

许廷铿指攞奖后不久即解约是公司策略，「呢段期间捧咗一个人，Ok啦、功德圆满、Quota够咗啦，就到下一位。」许廷铿承认当时心态不够成熟：「当时有啲情感摆落去『我帮公司成绩都唔差呀！』撇除呢度，系和平分手。」如今他理解公司决定是理性的。后来他经历了一段「混沌期」，才决心成立个人公司。