广东
何沛珈獲提名「最佳女主持」獎項，昨日（22/12）她出席記者會時接受《香港01》訪問。她坦言為此感到開心，表示能夠進入十強已十分榮幸。「今次入到圍我已經覺得好開心啦因為公司其實好多主持嘅人才，我去到十強，所以我覺得已經係賺咗。同埋今年我覺得最開心嘅係因為喺主持方面開始有更加多嘅諗法，亦都慢慢地有自己嘅方向。」
何沛珈入圍「最佳女主持」十強。（林迅景 攝）
何沛珈入圍「最佳女主持」十強。（林迅景 攝）
有沒有信心得獎？她回答：「信心我覺得要有嘅，總之點都要畀信心自己，但係呢種信心係，嗰種我有信心可以愈做愈好！其實今年都收到好多嘅建議，話覺得我係主持方面愈嚟愈有把握，所以我覺得好開心大家都會見到我有進步。」她也表示，覺得汪明荃（阿姐）、陳貝兒、車婉婉、朱凱婷和陳庭欣都是大熱人選。
何沛珈全銀上陣。（資料圖片/陳順禎攝）
傳波波（黃婧靈）因台慶時衣着太性感而失去擔任慈善騷主持機會。（資料圖片）
傳波波（黃婧靈）因台慶時衣着太性感而失去擔任慈善騷主持機會。（資料圖片）
早前傳波波（黃婧靈）因台慶時衣着太性感而失去擔任慈善騷主持機會，何沛珈則表示「着衫最重要適合自已」。「揀衫最緊要揀適合自己同埋有個人特色嘅。（會唔會以後着得保守啲？）我認為我自己鍾意嘅衫都係偏型格，性感嘅話就睇吓嗰一期搵到啲衫係點囉，睇吓自己身材有冇走咗樣嚟揀，但係喺我哋慈善節目嘅衫通常都係公司準備㗎。」
何沛珈上載噴血泳照。（IG@hpgroxanne）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
