北京
香港会议展览中心现正举行亚洲美容展，港姐季军朱千雪（Tracy）获邀为美容品牌站台，身穿露肩装晒长腿的她，相当高贵大方，吸引不少民众欢呼拍摄，现场气氛相当热闹。
而在接受媒体访问的时候，她坦言自己平日里会经常做美容：「我自己都几勤力做一啲美容机，其实我做咗好多年，以前就算拍剧嘅时候都要keep fit，而家生咗更加会勤力啲，内同外都可以帮到我嘅美容仪器，就住嗰样嘢我都几有经验同做得几密。（多数做咩部位？）以前会做多啲手手脚脚，而家做埋啲肚、背脊比较多，因为生完就喺个肚度。（会唔会接受医美？）入侵性嘅我就唔敢，我自己就冇呢个胆量，所以就暂时靠一啲非入侵性嘅仪器去做。」
而与TVB再次续约的她，亦坦承现阶段主要以接活动为主，未必会再接拍剧集：「因为而家啲时间再加埋拍剧，我又唔想令到剧组就我时间，讲真如果仲系0630，我谂都有啲辛苦，如果有一个好嘅角色同对手，我都会考虑嘅。」
她亦透露现忙于律师及教书的工作，虽然工作繁忙，但亦会抽时间陪小朋友：「基本上礼拜六、日一定会喺屋企，同埋而家仔仔会早起身，即系我哋有工作都系9点、10点返工，但系佢6点就起身，所以每朝都有几个钟亲子吓。」
讲起好姐妹汤洛雯传出怀孕消息，及后就多次作出澄清，问到会否向她传授生BB秘诀，她就表示：「我觉得呢啲嘢冇得传授，睇大家想唔想，细路呢啲嘢只能够佢哋两公婆睇吓几时有。」而她又表示与好姐妹们甚少讨论生育问题，大多都是分享美容装扮的事情。
另外，提起在中大执教，问到会否有许多学生因其名气而选择修读有她的课程时，她就强调：「我觉得唔系因为我个名，我觉得反而系嗰个课程，我自己觉得个课程都几有趣，所以嗰个课程我嗰阵时同中大一齐去研究，我觉得个题材都几有趣，所以我觉得好多学生真系想了解个方面嘅课题。
（惊唔惊艺人嘅身份影响大律师形象，客人对你冇信心？）我又觉得暂时冇嘅，可能初初出道有啲人会有呢个疑问，我而家攞咗牌做大律师都5年就快6年，而家工作都比较稳定，合作开嘅伙伴同客人都有一定嘅信任。」
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
