广东
「凍齡男神」呂良偉與太太楊小娟昨（26日）盛裝打扮出席出席「《齊惜福·樂助》音樂會暨慈善晚宴」，而在晚宴上他會大開金口唱歌，在接受媒體訪問時就表示：「我會唱首歌畀大家聽，你知如果只係叫大家籌款咁樣太乾啦！不如上去或者諗啲咩節目同佢哋互動吓，唱吓歌大家又開心。（有冇飲歌袋定？）唔係好多，十幾隻到。（可以出碟喎）原本有諗過出碟，我實在有好多嘢搞，所以到而家都未成。因為我寫緊本書，教人點樣可以健康可以養生，食嘢邊方面要注意，休息、睡眠質量又如何等等，呢本書寫緊，應該再過幾個月可以出。」強調因為親身試過，所以才出書與大家分享。
呂良偉、楊小娟恩愛出席慈善晚宴。（陳順禎 攝）
呂良偉雖然已70歲了，但他日前公開檢測報告，生理年齡卻只有39.9歲，相當驚人。問到在保養方面有何重點時，他就二話不說：「當我講完你哋去學，學識咗之後堅持，堅持係最重要。如果唔係呢我教一百次，你哋唔堅持好快就唔記得晒，所以就冇用。（你有冇身材或容貌上焦慮？）其實我活着係個心態，對實際年齡，譬如今年70歲，我完全係冇咁嘅焦慮，因為我覺得我自己嘅體能、體力係比我10年前20年前都仲好，所以喺呢方面我完全冇焦慮。」
「凍齡男神」呂良偉與太太楊小娟昨（26日）盛裝打扮出席出席「《齊惜福·樂助》音樂會暨慈善晚宴」。（陳順禎 攝）
他還大方分享獨門養生秘笈：「因為我練嘅係中國傳統武功，唔係話普通見到嗰啲。（係唔係內功心法？）係呀。如果有機會我可以畀你試吓我身體狀態你會嚇一跳。」另提到70歲會不會大搞生日宴時，他就表示：「係，太太會幫我做。」
呂良偉現忙於寫書。（陳順禎 攝）
呂良偉表示會搞大壽。（陳順禎 攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
