广东
資深演員許紹雄（Benz雄）今年10月28日不敵癌魔於醫院安詳辭世，享年76歲，喪禮今日（17/11）於大圍寶福紀念館地下寶福堂舉行，翌日（18/11）上午則舉行大殮儀式隨即出殯。
資深演員許紹雄（Benz雄）今年10月28日不敵癌魔於醫院安詳辭世，享年76歲，喪禮今日（17/11）於大圍寶福紀念館地下寶福堂舉行。（陳順禎、葉志明攝）
三哥苗僑偉兩公婆，旁晚抵達靈堂致哀，向Benz雄作最後道別。三哥接受訪問時表示：「其實我係好突然，我嗰日先知佢原來咁大件事喺醫院，都係佢太太通知我先知佢咁嚴重，佢將自己嘅病情收得好密，係冇人知。當日我趕到醫院睇佢嘅時候，佢已經插晒喉，嗰晚就走咗。記得舊年喺我屋企食飯嘅時候先見過佢。」
三哥對於好友Benz雄離世感到很痛心。（陳順禎、葉志明攝）
三哥續說：「個心係好痛，係令我諗起好多同佢嘅回憶，因為細個嘅時候訓練班已經一齊出嚟，大家認識咗40幾年，同埋同佢合作都算係好多，訓練班出嚟佢好錫我哋，同佢開工係好開心，直至呢幾年大家又更加多合作，真係太多回憶，所以係好痛心。」三哥又指Benz雄為人好瀟灑：「佢個人睇得好化，好多嘢睇得好通，冇咩特別要求，佢連自己病都冇同我哋講，變咗喺佢彌留間先見佢，我係好遺憾，真係好心痛。」
三哥完咗訪問後，即刻擰轉身拭淚，可見非常傷感。（陳順禎、葉志明攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
