广东
分享至
蕭正楠和黃翠如今日（26日）夫妻檔出席TVB節目《家傳之「保」》記者會，兩人在節目中體驗黃翠如媽媽在魚檔的工作。不過黃翠如就不太熟悉魚檔工作，被蕭正楠笑「劏條魚都要劏10分鐘」。
蕭正楠和太太黃翠如出席記者會。（林迅景 攝）
蕭正楠和黃翠如接受訪問時，笑言打算將魚檔頂手，改名做「如楠檔」。蕭正楠說：「佢上晝做得300蚊，我下晝賣咗成萬蚊海鮮，我覺得原來我嘅長處係賣魚！」記者提及黃翠如「劏條魚都要劏10分鐘」，蕭正楠就替愛妻打圓場，指黃翠如是細心。記者再問，在家中誰較常煮飯，蕭正楠就即時默不作聲，似是無聲勝有聲地回答了，蕭正楠表示：「哈哈哈，點會問啲咁嘅問題。」蕭正楠續指，黃翠如懷孕前飲食較隨性，生小朋友後就較有要求：「佢而家個胃口挑剔咗，再簡單啲整個炒飯你食好冇？佢會話吓，又炒飯？而家要去諗。」黃翠如就解釋：「而家不斷湊BB，你就好想你嘅生命，生活精彩啲，所以就要喺食飯嗰part，諗點樣開心啲。」
蕭正楠和太太黃翠如出席記者會。（林迅景 攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
