香港
伍咏薇仍有唱歌瘾 平衡工作与休息 笑称怕上得太高
伍咏薇（伍姑娘）日前拍摄由她代言的产品宣传片及硬照，为了缩短团队拍摄时间，伍姑娘连踩10小时工作，不少镜头一take过完成，表现专业：“我哋呢啲前辈级，拍剧、拍戏踩10个钟係起码嘅，所以冇问题。”
多年来，伍姑娘外貌还是身形都保持最佳状态，她直言最重要是心态：“我谂每个人都会话，要饮食均衡、健康，但係我觉得出发点係心态，你嘅态度要有喺度，係正嘅，先会去做。好似今日嚟拍广告，你开心，呢10个钟就好快过。”
既可以开怀大笑又可以高贵，同时又懂得享受人生，问伍姑娘可认为自己是人生胜利组？她笑谓：“如果话失败，我唔觉得係Loser，但係我又唔觉得自己係Winner，喺中间我觉得自己係享受嘅，有时输下又好开心，有时赢吓又唔好太尽，我永远会留啲空间畀自己，上得太高，我怕自己翻唔到转头，我真係咁嘅人嚟。”
伍姑娘坦言自己亦有鑽牛角尖的时候：“我都会放负㗎，咁我会选择喺屋企打个坐，去呼吸。我成日都讲，个天安排咗好多功课，每个人都有功课做，我都有功课做紧，唔使死嘅，船到桥头自然直，加油，谂办法。”
近年愈多愈多人选购营养补充品，伍姑娘说：“我细个嗰阵乜都唔理，青春燃烧紧嘛，到30岁开始，我先接触营养补充品。好多人以为食少一粒唔紧要，其实係紧要㗎，要坚持！洗面刷牙日日都要做，你会唔会觉得今日唔洗面刷牙？唔会㗎嘛，例如你唔够瞓，搞到自己状态唔好，你係对付紧你自己，所以食啲补充品帮自己，身体会多谢你。”
入行多年的伍姑娘，还有什麽目标？她指每个阶段有不同尝试：“我好享受做啲同自己性格唔同嘅人，我有时间就去睇戏、睇书，出街嗰阵望人，喺人哋度‘偷嘢’，拍戏嗰阵随时攞嚟用。”周殷廷、Tyson Yoshi、陈蕾、Gin Lee、张敬轩及Dear Jane等都是她平日有留意的：“我好多元化㗎，咩歌都会听，仲有伍咏薇囉！虽然我冇Gin Lee咁劲，但係我有我风格，我都几锺意唱歌。几年前已经有人邀请我搞Mini Concert，我觉得需要一个时机，同埋主题好紧要，我为咩搞呢个音乐会呢？我会思考，但係又唔好思考太耐，再等就89岁啦，我都想可以快啲发生。”
她坦言每个人都希望健康地长寿，但最重要的享受每个时刻：“几长寿就交畀佢（上天）。我活到中女呢个年纪，你畀我回望，我觉得係笑嘅。你试吓拧转面望，你畀自己係咩反应，你就知道过去嘅生活带畀你乜嘢，我希望每日睇番都係笑嘅。所以，最后一个分享就係，我哋好简单，就係人唔使好複杂，每日做啲微笑嘅行动，好吗？”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
