侠医｜张曦雯刘佩玥帮观众谋福利：收视过25点，丁子朗除衫

侠医｜张曦雯刘佩玥帮观众谋福利：收视过25点，丁子朗除衫

TVB剧集《侠医》今日（19日）于鑽石山一商场举办宣传活动，剧中一众演员都有出席，“塑料姊妹花”刘佩玥及张曦雯接受《香港01》访问时即变回好闺密。

剧中刘佩玥因妒忌而“黑化”，对张曦雯做出连串伤害行为，让观众看得咬牙切齿，剧中二人斗到你死我活，戏外却老友鬼鬼。

谈到剧中角色Natalie的形象，刘佩玥坦言事前下了不少苦功：“个角色係难做嘅，因为本身张曦雯咁sweet，同埋喺戏入面，Rachel其实由头到尾都对Natalie好真心、好好啦，完全係咩都会谂对方。”

她解释角色的阴暗面源于一种极度的不平衡：“佢个心入面就係觉得，点解你可以咁好过啊？点解你条路可以咁顺？点解我要牺牲自己咁多嘢，先至换到一啲嘢？你咩都唔使，就可以吸晒啲嘢返嚟。”

而饰演单纯善良的Rachel，张曦雯笑言角色某程度上与自己相似：“其实啲人都会可能觉得我个角色好蠢，俾人呃完一次又一次。”但她认为做人有时“蠢蠢哋”反而更开心，更形容自己的角色心很阔，即使被伤害也很快复原，所以才会一再被好友利用。

刘佩玥于剧中因为饰演“绿茶婊”而被网民热烈讨论，她笑言感到很开心，证明角色塑造成功：“佢反而係闹阿Natalie点解会咁忘恩负义。”

刘佩玥及张曦雯分享了不少拍摄现场的趣事，二人更大爆不少丁子朗的糗事，刘佩玥：“丁丁佢有个花絮呢，佢本身好型咁走，然后佢一开车呢，佢係开咗个行李箱。”

张曦雯：“佢唔识揸车嘅丁丁，但佢有好多场戏都係好型咁揸住架开篷，但係其实又唔识拉手掣啊，咩都唔识。”

剧中二人都与丁子朗有一些比较亲密的戏份，同样二人都在剧中赏了丁子朗耳光，被问到会否因为他演得太坏而有大快人心的感觉时，二人都表示现实中都不捨得打他。

张曦雯笑指丁子朗很喜欢在她不省人事时下毒手很变态：“我俾佢迷晕咗，跟住之后佢就想对我即係强姦我嗰啲，跟住因为拍嗰场戏我係完全係晕咗，所以我一路眯埋眼。其实拍嗰阵时我就同佢讲你放心你要舔我就舔，跟住我就瞓咗喺度，跟住我自己都差唔多瞓著咗，所以我都冇睇到佢嗰啲变态嗰啲表情。所以我头先睇嘅时候我都哗好变态啊，我自己都睇到都好心寒。”

而刘佩玥则为丁子朗说好话，指他为了拍裸露戏会不吃东西：“佢会唔食嘢，食啲流质嘢啦，会係咁做运动啦。”

张曦雯笑称因为自己“眯埋咗眼”所以没有机会看到：“哎呀蚀咗！所以我都好期待睇返嗰场戏。（定係叫真人展示畀你睇？）佢呢排有操到咁fit咩？”二人即想到有办法让丁子朗的肌肉让大家都能看见，就是：“收视过25点，丁丁除衫！”