广东
分享至
許廷鏗今日（19/9）現身尖沙咀出席品牌活動。提到好友鄭欣宜最新狀況，許廷鏗接受《香港01》訪問時表示：「其實又唔係好耐冇見佢，就唔係日計，係月計嗰種，好多時都係麻雀枱上度見嘅，都算係運動嚟，就只不過係手部運動。記得之前有一段時間佢成日都帶我走圍走，會帶我行山，其實都幾健康㗎。咁我當然想佢身體健康啦，我都希望佢快啲身體健健康康咁可以出嚟同我打波。」
許廷鏗透露鄭欣宜最新健康狀況。（吳子生攝）
許廷鏗續說：「其實我聽到佢把聲個狀態仍然係Ok同開朗，希望到佢Ok嘅時候，就會同大家講，又或者到時同佢打波嘅時候同大家見面。（知唔知佢幾時會復出？）其實我哋好少傾工作。」
許廷鏗大爆鄭欣宜最新健康狀況。
被問到鄭欣宜是否掛住拍拖？許廷鏗表示：「其實我又唔係好知，不過就算係拍拖都好正常，以我所知佢係籌備緊一啲嘅工作。（你有冇籌備緊婚禮？）我呢啲歲數唔好搞呢啲嘢啦，咁所以冇婚禮要公佈。」
許廷鏗今日出席品牌活動。（吳子生攝）
許廷鏗今日出席品牌活動。（吳子生攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
