钟嘉欣自爆当妈后说话大声！表示自己都是虎妈风格

钟嘉欣自爆当妈后说话大声：隔3间屋都听到我讲嘢

锺嘉欣日前接受新城广播节目《可“连”天下父母心》访问，分享了作为3孩妈妈的日常作息。嘉欣透露与丈夫Jeremy坚持早睡早起，让孩子们在上学前完成部分功课。她说︰“我锺意佢哋朝早做功课，因为脑袋仲清晰，放学后先做功课就会好攰。”

嘉欣每天亦会步行送孩子上学，放学后则安排玩乐时间，并负责接送孩子参加舞蹈和冰球等课外活动。

她表示︰“返到屋企就立即煮饭，食完嘢又要做一啲功课，然后冲凉同佢哋玩一阵，睇少少中文电视，8点半就上牀瞓觉。”嘉欣盛讚丈夫是“神队友”，称对方作为一名医生，虽然工作繁忙，但回家后会积极分担家务。她说︰“我做到嘅嘢佢都做到，我哋两个都好全面。”

两夫妻坚持培养子女的独立性，要求孩子们自己完成穿鞋、收拾书包、清洁午餐盒和洗澡等。嘉欣表示︰“出街时我唔会帮佢哋著鞋、佢哋嘅书包自己清洁，午餐盒要自己攞出嚟。”

嘉欣又笑言：“我本身係个好温柔嘅人，但做咗阿妈之后，把声好大声，隔3间屋都听到我讲嘢。”有时子女太顽皮，嘉欣更会跟他们说：“知唔知道你哋咁样，妈咪真係会爆血管！”

谈及3个孩子的性格，嘉欣形容大女Kelly很听话，很有主见及充满大家姐风范；儿子Jared则是她的“情人”，但又很固执，经常说出甜蜜的话语；两岁孻女Anika则最野性，“佢好E人（外向型），每个人都係佢嘅朋友，一见到面就好热情打招呼，好多人都识佢，因为佢好有社交能力。”

面对孩子们争吵，嘉欣分享了自己的处理方式：“嗌交、打交成日都有，我都要不断学习，最初就好温文同佢讲道理，教教吓唔得就发火，有好多方法可以处理，我都学习当中，我都有哥哥同家姐，所以好明白佢哋点解会打交，总之唔好流血就得。”

谈到将来子女踏入青春期，嘉欣直言很伤感︰“如果有一日我唔可以再闻佢嗰啲酸臭味嘅臭脚，会冇晒人生乐趣，暂时接受唔到。我个女依家每一日都有变化，表情同回答每日都有啲唔同，愈嚟愈接近冷淡，但以前唔会有，所以有啲伤心，依家锺意同朋友玩就唔记得爸爸妈妈，9岁又快咗少少。”

嘉欣又回忆自己青春期时十分害怕女生会来月经︰“第一次嚟好惊，我唔敢话畀阿妈知，以为有病，仲静静鸡去拜神，‘我唔可以死，仲要陪阿妈’，之后阿妈见到垃圾筒，就解释畀我听，先知原来唔係有病；作为阿妈知道阿女将来会嚟都好惊，想像唔到。”