广东
分享至
曾展望（GM)和葉蒨文（Sophie）今日（2/9）現身電視城出席無綫節目《女神配對計劃 最後告白》記者會。對於日前出席「室友零距離告白見面會」活動時，與葉蒨文近距離互動，獲女神於背後為其戴上中式花球，中途不小心觸碰到對方敏感位置，惹起網上熱議。
GM接受《香港01》訪問時表示：「你有見我而家，我隻手係全程夾實嘅同時，我背後係用另一隻手指勾住件衫，咁所以錯唔緊要，最緊要就係識得改。不過講真當時我係感覺唔到嘅，事後報道出咗街之後我先知，我第一吓係有啲唔好意思。」
曾展望和葉蒨文今日現身電視城出席無綫節目《女神配對計劃 最後告白》記者會。（陳順禎攝）
Sophie接著說：「其實嗰吓係善意定惡意，自己係會感受到，同埋當時大家互動緊，有身體嘅接觸碰撞係正常，但自己感受到唔係一個邪念嘅，而係一個善意嘅，我覺得冇問題。」GM即時插嘴糾正：「我嗰吓唔係善意呀，我係無意呀！其實善意都唔應該嘅，Sophie大方咋，大家千祈唔好亂嚟呀。」
曾展望大讚葉蒨文口齒伶俐。（陳順禎攝）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
