广东
現年50歲的TVB綠葉楊證樺，與太太沈可欣瓣數多多，同時亦親力親為落手做，相當貼地。近日有網民直擊楊證樺再次出手相助受傷老伯，大讚熱心助人。
楊證樺沈可欣夫婦瓣數多多。（楊證樺沈可欣FACEBOOK）
楊證樺成為保安公司老闆，更在愛回家飾演自己。（楊證樺沈可欣FACEBOOK）
楊證樺成為保安公司老闆，更在愛回家飾演自己。（楊證樺沈可欣FACEBOOK）
楊證樺與太太除了幕前工作，又開設美容繡眉、寶石培育公司，之前又投資榮升保安公司老闆，落手落腳擔任演唱會保安，相當專業。早前更被啟德體育園睇中，邀請他拍攝啟德體育園宣傳片。除了落力工作，楊證樺亦不時被發現私下好人好事，繼上次出手幫忙指揮交通後，有網民在元朗目擊有位伯伯跌穿個頭，一名女士上前幫忙止血，楊證樺就伸腳畀伯伯挨住，大讚楊證樺經常出手助人。
楊證樺曾被影到幫忙指揮交通。（FACEBOOK圖片）
楊證樺曾被影到幫忙指揮交通。（FACEBOOK圖片）
就此楊證樺回覆01娛樂講述當時情況：「我去停車場俾錢時，聽到保安話出面有個伯伯受傷，我畀完錢就出去睇下有無嘢可以幫手。出到見到有個女仔已經幫佢療理傷口，我就行埋去叫周圍嘅人散開少少俾佢抖氣，同埋叫佢先放低手上食物。然後見佢好似個姿勢好唔舒服，放隻腳叫佢用舒服少少挨喺我度，等救護車嚟啦。當時我見到救護員嚟到，傷口都幾深可能都見骨。中間我都有問伯伯有無想嘔想暈，佢都好清醒對答流利，就安心少少，我都無諗過會俾人影到。」
楊證樺又被目擊幫助受傷老伯。（FACEBOOK圖片）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
