香港
罗毓仪包容林俊其绯闻史：每人都有过去 早察觉冇火花含泪对T.Max感内疚丨独家
29岁的罗毓仪（Yuki）在TVB真人骚《女神配对计划》中与林俊其（Kris）互动升温，两人先后被拍到街头拖手仔及“膊头贴膊头”如情侣般坐港铁，反观对另一位追求者海淦清（T.Max）划上防线，态度鲜明对比引发网民热议。
儘管《东周刊》踢爆Kris有“港姐杀手”封号，更揭出大箩绯闻旧史，Yuki却展现包容，语带坚定维护说：“每人都有过去，我家偏向相信佢。”另外，Yuki接受《星岛头条》访问时，含泪交代拒爱T.Max原因，强调大家仅限是朋友。
罗毓仪完成真人骚《女神配对计划》后感触甚深，表示节目后成长了许多，尤其见到不少爱锡的人，要比以前坚强。Yuki坦言因不擅社交，拍摄初期感到焦虑、紧张和不安，感到有压力。但随节目发展，她与Kris互动频密，接连被拍到拖手行街，再“膊头贴膊头”坐港铁。
对此，Yuki急忙澄清误会，唔係拍拖关係：“佢见到架车转入嚟就拉住我一段路，我哋冇事发生。直至大家混熟咗，咁有时放工咪会一齐坐车走。”
虽然否认恋情，Yuki却对Kris讚不绝口，更自爆曾因对方心动：“玩‘壁咚’游戏嗰阵有触电感！”
她详述Kris暖男举动：“拍摄时见晒到疑似中暑头痛，佢即时喺行李内拎出成药，送上关心话‘我都惊你会唔舒服，所以带定好多药傍身！’
除此之外，佢仲为我准备麻糬波波、暖包及自家制黑糖水，见佢嘅举动，唔係纯粹为做个真人骚，行动上真係表达诚意，绝对有加分！”更笑言自己零回礼：“哈！我唔擅长照顾人，反而完全冇为佢准备啲乜！”
“我都拍过几次拖”
面对《东周刊》踢爆Kris有“港姐杀手”封号、曾力追梁超怡及陈晓华，和港姐王菲又传过绯闻，Yuki展现包容：“我有问过佢，佢解释係误会，正如同港姐王菲都好老友，玩游戏输咗先打畀对方。”
她更搬出“每人都有过去”金句解画：“空月来风未必无因，佢同啲女仔的确係多咗啲‘误会’嘅，但相信每人都有过去，我都拍过几次拖啦，就算佢拍节目前有爱情关係都算正常喎，我重点放喺佢现时係点，多观察佢嘅行动，要提醒自己唔好咁易受人影响判断，睇得评价太多只会却步，相信时间会证明一切，我家偏向相信佢。”
提到Yuki以城大一级荣誉毕业，Kris中四曾留级，两人在学历差距，Yuki反驳道：“能力唔可以用读书衡量！睇佢近年演《反黑英雄》番茄、《刑侦12》乐仔，明显花过功夫。可能读书唔叻，但戏剧上有独特眼光，正如我唔擅长运动。”她更透露家人态度：“屋企人只在乎我开心，最担心负面留言影响我。”
对于被指她偏心Kris，冷待T.Max，处事手法不当劝她退赛，Yuki认为大家睇得太投入及太肉紧，衍生有好多种不同的声音，“特登偏心就真係唔会，但有机会偏心咗自己都冇为意，因为喺拍摄过程中，冇可能对所有人嘅感觉都一样。”
又委屈地解释多次拒绝T.Max，坦言早察觉冇火花：“‘壁咚’环节已经感受唔到恋人感觉，如果再继续有亲密接触，最后结果更差，係咪玩紧佢呢？唔畀假希望人，早啲直接讲清楚更好，现时同T.Max只限于朋友上了解，大家仲係朋友。”
养埋对方就咪搞
Dry咗逾一年的Yuki说到择偶条件讲求“对等关係”：“单方面付出会形成心理唔平衡，钱方面非完全唔睇，要为组织家庭生两个小朋友打算。（Kris财力上未符合要求？）大家都係行内人，知道对方收入几多，最好各自有梦想，有上进心与内涵，过去4段情皆因‘步伐不一致’分手。”
她自认事业型女性：“家係搏杀期，冇期望另一半养起我。但如果要养埋对方就咪搞，尤其做男人要负责任！”而她将《女神配对》经历化作创作灵感，推出出道以来第一首情歌《女神之翼》，表达憧憬的爱情。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
