李佳芯晒腿渗仙气 搣甩魔音 淡定献Sing 获嗌Encore

李佳芯晒腿渗仙气 搣甩魔音 淡定献Sing 获嗌Encore

李佳芯（Ali）与李思捷日前出席保健品牌活动，2人除了分享健康心得，还大开金口献唱，吸引数百位贵宾蜂涌到台前拍照，Ali唱功大跃进，现场兴奋狂呼Encore！

Ali以一身粉红色背心短裙上阵，大晒长腿仙气十足，甫出场已掌声如雷。对于离巢后选择自组工作室，Ali分享走入人生新阶段的心情：“每一次踏入新阶段，都会有自己打击自己嘅声音，呢啲时间我会不断鞭策同认识自己，努力计划下一步点做；以前只係演员身分，淨係演戏，好幸福，但家要兼顾好多嘢，大至将来计划，小至工作室Logo都要自己设计。”

除了谈近况，Ali也分享健康心得，提到她最近素颜出Post，被网民激讚状态极佳似中学生，Ali闻言笑说：“我都係尽量Keep，每次开工都要化妆，又冇得休息，压力好大，皮肤会敏感，只可以喺冇嘢做嘅时候，尽量做运动。加上饮食清淡啲，食啲营养补充品，同埋迫自己多饮水排毒。”

Ali认为保持好心情亦很重要，以往一开工拍戏会全程投入、脑海不停思考角色，导致压力很大，从来不打机的Ali近来学会打机放鬆、平衡情绪。

Ali献唱歌曲《终身美丽》，见她表现淡定，唱功大跃进，观众听后大叫Encore。问她最近是否苦练歌艺？Ali坦言在唱歌方面下苦功：“我会唱K练习，再要身边人畀评论，收集唔同意见令自己进步。”

Ali大方笑称被网民冠上“魔音”称号之后，专诚找唱歌老师指导：“我觉得自己天赋未必係唱歌，咁不如学下，睇下自己学唔学得识。头先喺台上感受到最大进步，係个人淡定咗好多，以前上到台会惊到声都震。”

另一嘉宾李思捷在活动中发挥扮嘢天王本色，完美模仿张国荣﹑谭咏麟和李克勤等献唱串烧扮嘢歌，气氛High爆！

李思捷享受舞台表演，说到健康心得，李思捷认为饮食均衡很重要，他说：“我之前一段时间冇胃口，食得好少，导致营养不良，好彩Check咗冇事。”

李思捷透露近10多年记性变差，他说：“呢10几年记性开始麻麻哋，尤其记歌词，但好彩唱嘅歌都係8、90年代，当时我只得10几岁，係最好记性嘅时候，如果家先记呢啲歌词，可能未必记到。”