香港
《中年好声音3》亚军张与辰日前接受由许文轩主持的《StarTalk》访问，大谈推出首支粤语单曲《深海》及举行个人演唱会感受。
张与辰表示过去有太多不愉快爱情经历，跟音乐团队商讨下，决定新歌以其爱情观为主题，他说：“试过锺意过一个人，大家关係好好，不过双方都冇问清楚大家关係，未有同对方表白，但最终错过咗，对方撞车意外离开，呢件事好大打击，影响好深。之后尝试踏出再拍拖，认识咗一个人，点知佢觉得要同我捱穷，就选择离开。我会问自己冇钱就唔可以拍拖？令到自己对拍拖失信心同唔敢拍拖。
另外，爹哋、妈咪分开都有啲影响自己，令我对爱情唔渴望，怕畀人拒绝、嫌弃。呢首歌就係讲我对爱情同深海一样，都係唔敢接触，因为细个试过浸亲，我都好惊水。”
入行多年，张与辰音乐发展并不是太顺利，他说：“真係因为《中年好声音》令到多人认识自己，特别要多谢粉丝，令自己重拾信心。妈咪本身做驻场歌手唱歌，我3岁几已经跟佢登台，觉得妈咪好靓，打扮好靓，唱歌好好听，台下又有好多欢呼声，细个企上台已经爱上咗舞台，立下决心一定要做歌星。
曾经喺马来西亚同埋台湾发展未係好如意，自己入过谷底，都试过问屋企人攞钱，仲搞到有抑鬱，家姐有叫我唔好再做呢行。喺最唔如意嘅时候，曾经有一面之缘嘅创作歌手戴佩妮，佢知道我嘅状况，主动透过传媒搵我，叫我写歌，佢不断教我创作，真係要特别多谢佢，改变咗自己好多。”
谈到跟已故爸爸关係时，张与辰说：“爸爸以前锺意赌钱，令到爹哋妈咪分开，一开头都有怪责爸爸，都好妒忌其他人有双亲照顾。早几年爸爸在生时，去过医院见面，同佢倾咗好耐偈，将自己心中多年唔舒服感受讲出嚟，大家喊住讲，佢都有同我讲对唔住，留下咗唔好印象同麻烦畀屋企人，当其时心里面已经放下，感觉轻鬆好多！”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
