香港
张天赋8.19麦花臣举行新碟发布会 以“咕噜肉”比喻全新个人大碟《 Sweet & Sour》
MC张天赋日前于社交平台宣布推出全新个人大碟《Sweet & Sour》，更宣布将于8月19日旺角麦花臣场馆举行《A sweet & sour night》 新碟发布音乐会。
新碟不但收录多首大热歌曲包括《小心碰头》、《说谎者》、及《怀疑人生》等等，更收录国语新歌《目击者》、《狼狈》及首次推出英文新歌《Ain’t No Foo》及《I’m okay》。专辑将于明日（17日）于各大唱片店及音乐串流平台上架！
新碟概念源于MC认为，音乐无分高低，故他从不会抗拒任何类型的音乐，希望透过他的每首作品，分享更多不同的音乐类型与风格，以音乐大同的态度，唱雅俗共赏的歌！一向为食的他更以“咕噜肉”这道菜餚比喻新碟的主题概念。
MC说：“我最新嘅专辑《Sweet & Sour》其实呢个名同埋佢概念係源自于我同A&R同事嘅一个对话，当时佢问我如果要用一个字或者一个词语去形容你过去一年嘅生活，你会点样回答？于是乎我就话‘悲喜参半啦！’咁佢灵机一触就话不如呢隻专辑就叫《Sweet & Sour》啦，所以其实嗰个概念係同情感生活中嘅对比有关，例如甜蜜同苦涩、快乐同悲伤。
讲起《Sweet & Sour》，喜欢食嘢嘅我一定会谂起“咕噜肉”，佢（咕噜肉）不但有中式同西式嘅做法，老少咸宜之外，亦非常代表香港呢个地方！同时你都可以喺唔同嘅场合都会见到佢（咕噜肉），无论係一啲高级嘅宴会或者係大家喺屋企嘅住家饭都好容易会见到呢款菜式！咁所以我觉得佢（咕噜肉）非常之切合呢个专辑嘅概念！”
望下隻碟以卡式带形式推出
MC由出道至今产量极高，一直密密出碟，问他是否已有下一隻专辑的构思及计划？他笑说：“出一隻碟当然开心同埋多谢‘赋二代’嘅支持！咁其实（专辑）背后要有好多人一齐去努力先至能够有呢个成果，况且出咗呢隻碟之后都仲有一个华纳家族澳门演唱会，所以都要小休一阵，先至继续努力创作， 如果下一隻碟可以以黑胶形式或者以卡式带形式推出嘅话我谂都应该几正！而且我都会希望加入多啲唔同嘅元素啦，或者唔同嘅语言，或者係同唔同嘅音乐人合作。”
《东邪》是《反对无效》古代版
推出最新专辑《Sweet & Sour》的同时，其新歌《东邪》亦同步于各大音乐串流平台上架，MC更分享他认为这首歌曲是他新碟之中，其中一首最有意思的歌曲;
“《东邪》呢一首歌应该係《Sweet & Sour》呢隻专辑入面，我认为最有意思嘅其中一首歌，呢首歌大家凭歌名都应该估到係讲紧金庸小说入面嘅黄药师，佢本身係一个好独立、好不羁、充满反叛同埋神秘嘅个性， 呢首歌其实有首好浪漫嘅歌，以中国风嘅形式去讲述佢对爱情嘅睇法，至于佢不羁、固执同埋自由嘅个性，我觉得呢一首歌就係《反对无效》嘅古代版！”
感恩举行新碟发布会
昨日MC更于社交媒体宣布8月19日将于旺角麦花臣场馆举行《A sweet & sour night》 新碟发布音乐会，他亦分享当收到消息时的心情。
“今次係开呢张专辑嘅会议上面，公司就同我讲话不如我哋今次除咗出碟之外，不如做一个新碟嘅发布会啊？咁我听完之后我非常之同意，好开心有呢个idea！
因为唔单止可以一口气唱哂新碟入面嘅所有歌，而其实有啲歌都未必会有好多机会可以唱live比大家听，咁我觉得可以藉住呢个发布会可以令观众现场体验一下 呢隻专辑究竟係咩嘅一回事！咁我觉得呢个亦都係一个同Fans见面同埋接触嘅一个好好机会！”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
