梁思浩促TVB褫夺三港姐名衔！轰某亚军抢朋友老公零悔意

梁思浩促TVB褫夺三港姐名衔　轰某亚军抢朋友老公零悔意：佢几寸

港姐遴选近日进行中，并在网上引起不少话题，梁思浩在网台节目《娱乐好好玩》中，讲到这个话题时就认为，有三位港姐的名衔应被褫夺。

事缘本身节目是讲乐宜自爆曾与男神级歌手做性伴侣，还指对方持久力不足；思浩与邓兆尊、吴家乐就讨论到，如果调转有男艺人公开讲性史、评价自己的性伴侣表现，会否惹来公众抨击呢？

之后梁思浩将话题带到徐子珊，因为当年她出道没多久就在电台节目大谈性事，直言最理想性爱时间为30至45分钟，有指因而触怒TVB高层、影响港姐形象要入雪柜，梁思浩问：“（徐子珊）跟住就俾人雪藏，咁乜嘢人讲咗都唔会俾人雪藏？”

吴家乐就提出一个姓马、一个姓蔡，邓兆尊补充姓蔡的谓：“执‘贝’壳嗰个呀？”

梁思浩指除了二人，还有姓黄的一位，他表示：“褫夺佢哋香港小姐啦！失礼香港小姐呀大佬！奖品畀咗就算，但係褫夺咗你香港小姐个名衔，以后所有嘢你唔可以再话你係香港小姐。”兆尊指因为大会懒，所以不会发生此事。

吴家乐为姓马的港姐平反，指：“佢唔关事，跳下舞啫。”梁思浩则回应：“跳舞冇问题，我好记得佢件衫，$9.9……冇问题，但你勾引人一pair嘅就有问题吖嘛。”

说到这裡，都不难联想二人暗示的是当年爆出艳舞片风波的“纯纯兔”马赛；吴家乐指片中见不到勾引，只见到跳舞，觉得不需要褫夺，不过姓黄一位就成立。

梁思浩严斥姓黄的一位：“我又觉得佢几寸，佢一直话我咬住佢，喂！佢搞咩人关我鬼事咩？我一直只係得一个论点，唔知你同唔同意，如果假设嗰两公婆，你完全唔识个老婆，无问题，你唔使同佢道歉，但佢係你朋友嚟㗎嘛，咁你同佢讲声，唔好意思，我攞咗你老公嚟玩。”

他又续说：“我仲要嬲佢咩呢？最近啱啱做咗个访问我有睇，睇下会唔会改善咗，个人结咗婚，都明白人哋一家人嗰种痛，跟住好笑，个记者问佢‘你觉唔觉得欠咗人哋？’佢话‘我唔觉得喎’哈！”

其实梁思浩同开名无分别，他所指的便是“安心事件”的黄心颖；由于以往黄心颖曾跟郑秀文一起做Gym，并在社交网互动，关係友好，郑秀文更称她做“心颖BB”，但最终她竟情挑许志安，多了一条“抢朋友老公”罪，令外界观感更差。

梁思浩因而再补充：“我其实成日都讲，人去到某个岁数你一定要醒，我好愿意同人道歉，唉，我都唔怕讲，佢真係争郑秀文一个道歉！你够胆就开口道歉一次！佢係你朋友嚟㗎，好伤人哋个心。”

黄心颖 相隔1年半再出新歌《看透世间美事》，她早前接受HOY TV主播Angela俞咏文访问时表示心很累。

黄心颖 称每次出新歌，心情都会紧张：“尤其係推出前嘅2个礼拜，我每朝早起身都会有一种肚痛﹑作呕作闷感觉，真係好似有咗咁，但係到咗前几日又好番喇喎，一谂到准备要宣传，又觉得好攰喇！”

对于 黄心颖 来说，近年最美好的事，是可以睡到自然醒，身边的人和宠物身体都健康，提到生育问题， 黄心颖 心态随缘：“如果呢一刻有，我会觉得好开心，如果冇我又唔会觉得好缺失，以前我比较想做妈咪，但係到咗我家嘅年龄，我连照顾自己都觉得好攰，如果再照顾多一个小朋友，我唔知我可唔可以应付到。”