丁子朗演大奸角无恶不作！谭凯琪想带小朋友外游要夹时间

侠医｜丁子朗演大奸角姦淫掳掠无恶不作　目标是打冧陈豪：灭佢门

艺人丁子朗昨日（9日）出席TVB剧集《侠医》的煞科晚宴，他今次于剧中饰演一名“富二代”兼无恶不作，杀人放火都有做，可以说得上是坏人的表表者。丁子朗接受《香港01》访问时都坦言今次的角色可以说得出是人最大的挑战：“姦淫掳掠、作奸犯科、推阿婆落楼、杀人放火全部做齐。”

丁子朗很佩服编剧能写到这麽坏：“其实我想讲呢个故事，初头係未去到咁疯狂，係一个奸角，因为我哋一路边拍边写个结局，愈写愈夸张。”更因为他们的一句“丁丁，你做到㗎！”

之后愈变愈坏，亦是他的一个挑战。刚刚才在剧集《执法者们》中摆脱油腻感的丁子朗，摇身一变成为“清爽男”，他感谢网民喜欢剧中“丁小非”这个角色，他不怕剧集播出后会被坏人的形象又覆盖：“我相信佢哋眼睛係雪亮嘅，分得出角色同真人係有分别。”

丁子朗坦言开拍前曾被质疑到底是否能胜任这个奸角，而在未开拍之前他都有一点点的怀疑：“丁子朗究竟做唔做到呢，所以我都好想挑战自己，觉得一定俾人睇到，其实丁子朗都可以做到一个好奸嘅角色咁样。”

在床戏方面，之前预告片中已经播出他跟刘佩玥会有床戏，他直指今次“负荷好大”，因为今次有多场的床戏。他指负荷很大原来是因为：“每次拍啲除衫戏，我要提前两日唔食嘢，唔食啲硬质嘅，淨係食流质嘅嘢。即係我会将啲鸡蛋打烂佢捞水，同埋会饮protein粉，嚟维持呢个体力。因为食硬质嘅嘢，有机会未必痾得切，有机会个肚凸咗出嚟冇咁好睇，我想每一嚿腹肌侧面都好好睇。”

原来是因为他贪靓，想拍完出来的效果会好一点，所以两天不吃固体食物，丁子朗更笑指拍完一场脱衣服镜头就好像拍了三天打斗镜头一样的累。

作为剧中“大奸角”的丁子朗，他表示今次的目标是陈豪：“打冧佢嘅家族生意、抢佢女朋友，做晒所有嘢都係为咗灭佢门。”但其实私底下二人都很“老友”，陈豪会亲自教导他怎样拍戏，又会给予他不少的指导，令他获益良多。

他大爆平时陈豪拍剧很少看Playback，但竟然丁子朗拍完后却去看Playback：“佢拍完我呢个shot之后，佢就特登问可唔可以睇呢个Playback，跟住啲Camman都话，你连自己嘅Playback都唔睇，睇丁丁嘅Playback？”真的可以说得上是“爱之深责之切”。

谭凯琪想带小朋友外游要夹时间　闻日本会地震即表示再选地方

艺人谭凯琪昨日（9日）出席TVB剧集《侠医》的煞科晚宴，她接受《香港01》访问时表示今次的角色与平时的她很不同：“真係要做好多功课！”因为剧中她饰演一名有自闭症的女生，所以一定要先了解清楚才去演。

谭凯琪表示之前自己也有做过一些探访，跟一班有自闭症的小朋友玩耍，她就从中观察：“我就係从中观察佢哋嘅一啲小动静，我就会将佢哋一啲特质摆咗落去套剧度。”

其实今次饰演有自闭症的女生对于谭凯琪来说是突破自己：“即係一路以嚟公司都畀好多唔同嘅角色，即係唔同嘅路线。咁呢一个係我第一次去叫做突破少少，唔再係以前嗰啲靓靓啊，即係有个框架喺度，我今次呢一个角色係想去衝破佢，唔好理咁多嘢做好佢。”

对于小朋友即将放暑假，谭凯琪被问到会否带他们外游，她笑指自己早上才刚从日本回来：“我真係好想同我小朋友去旅行，即係我成日一有时间我就想带佢去睇下呢个世界，我觉得有好多嘢唔係淨係喺书嗰度学，係要畀佢哋去经历。”但因为小朋友现在准备升k3，所以有很多面试，她不希望会撞期，所以想选择去短途的旅行。

至于有指日本下个月会发生大地震，她被问会否先避开不去日本时，她即指：“唔知真定假，咁当然我觉得如果係可以选择嘅咁咪咪唔好去呢啲地方住先啦，都会避免下嘅，始终小心啲好。”

而不去日本，她会选择去哪裡时，她说有考虑过去美国：“有谂过去美国，因为嗰边有啲屋企人喺度，就想去探下啲屋企人。”她更指女儿其实想去看雪，但就要继续计划能带她去哪裡。