TVB金牌绿叶离巢后登台揾到食，爆曾被邀回归拍剧：角色未感兴趣

蒋志光曾为TVB艺人，参演过无数经典剧集，同时他也是居代表性的音乐人。昨日（05/6）他为卢国沾演唱会排练，也分享了他的近况。谈到只要符合条件就会回巢拍剧。

蒋志光透露离开TVB后会专注在音乐与电影的发展。（陈顺祯　摄）

谈到再参与演唱会，他坦言颇有难度。“以前打天才波就觉得好容易，但系唔系，时代已经前进咗，唔能够再停留喺以前。当你细心品尝嘅时候，我发现咗一样嘢，歌唱得愈好嘅人愈自然，愈自然系愈难，就好似陈奕迅Eason咁。”他表示，现时生活多了很多时间：“而家生活基本上三餐无忧，OK嘅。（节奏系自己钟意嘅？）当然系啦，其实多咗时间做自己钟意做嘅嘢，调节自己生活。（做咩多？）运动啦，一路都冇断嘅，仲有阅读，跟住就上网学习，同埋练歌啦。”

蒋志光为TVB经典绿叶。（剧照）

他表示，虽然离开唱歌有一段颇多时间，但自己仍然会学习新知识：“一定要跟住，唔可以求求其其咁就算。其实昨日嘅嘢，你唔好今日再拎返出嚟。”谈到做音乐，他表示想起某些旋律时会抄下，但说到认真去做时，就是“最后一刻”才动工。“一定要起个结构。”还即席哼了一小段节奏，接着他又说：“通常呢啲节奏，用过嘅都系好多，因为佢一定系围绕喺一个和弦入面。”看来蒋志光对自己的出品十分有要求。

蒋志光为卢国沾演唱会排练。（叶志明 摄）

谈到近况，蒋志光表示最近都会回内地登台做骚，而且是一些几千人的演唱会。记者表示，他应该不用担心收入问题时，他就回应：“我哋呢啲‘好天斩埋落雨柴’，唔通好似TVB咁日日有工开咩？所以我哋做呢一行系唔同，系揾埋一旧唔知几时有工开，就慢慢搣慢慢使。”

蒋志光表示离巢后生活不过不失，但生活节奏更适合自己。（叶志明 摄）

蒋志光提到，自己是一个较独来独往的人。被问到与行内人合作时，他就表示喜爱与后辈合作。“因为只有你愿意嘅人，人哋接受你嘅，你要后辈上嚟，对佢哋嚟讲系唔系太好。点解话我做一啲人哋接受嘅嘢，大家又开心，个机会系大嘅。”最近有不少TVB旧将与TVB再合作拍剧，又有没有机会再于电视上见到他？

蒋志光表示离巢后生活不过不失，但生活节奏更适合自己。（叶志明 摄）

他回答，其实TVB都有邀请他回巢拍剧。“会，而家个问题就系话，去到我哋呢个阶段只系追求角色，有角色有发挥就可以。（有冇揾你？）有，但系就都⋯⋯我都唔知有冇得发挥，但系未感兴趣啰。（如果遇到感兴趣的角色、剧本、监制或导演邀请就会接拍？）可以咁讲啦。”

蒋志光透露TVB曾向自己招手，但角色不合，所以没有接拍。（叶志明 摄）

蒋志光透露TVB曾向自己招手，但角色不合，所以没有接拍。（叶志明 摄）