广东
分享至
宣萱（Jessica）今晚（29/5）现身中环出席汽车品牌活动。Jessica接受《香港01》访问时表示：“自己好钟意揸车听歌，变咗如果我要买车汽车音响系我首要嘅嘢嚟。同埋我而家都仲揸紧棍波车，好多人都觉得我作为女人泊位都好叻。（有冇遇过人肉霸位？）我都遇过，通常我都会走，我唔系夹硬泊入去，因为啲人会话你唔会有好后果，哈哈，咁我就会算，咁你泊啦。（点睇人肉霸车位？）咁梗系唔啱啦，咁都冇办法啦，人都会打尖啦。（为何唔据理力争？）唔会啦，以前二十几岁就会据理力争，而家唔会啦，有其他位就泊其他位。”
Jessica觉得人肉霸车位行为不要得。（陈顺祯摄）
对于早前古天乐闻她已经看过电影《寻秦记》片段，他感到惊讶：“系咩？佢睇过剪辑版咩？应该冇人睇过。佢应该净系睇咗少少啫。”Jessica笑言：“其实喺好早期佢哋未拍晒嘅时候，我哋系睇咗少少，我哋一齐开工，系佢叫我睇吓。但系断吓断吓咁睇，其实系睇唔到。（佢好惊讶你睇过！）吓，佢失忆呀，佢唔记得俾我睇过，其实系佢俾我睇㗎。可能佢好多嘢做，唔记得咗。”
Jessica今日出席汽车品牌活动。（陈顺祯摄）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
