广东
胡杏儿与老公李乘德（Philip）于2015年结婚，婚后诞下三位爱子，一家五口家庭生活幸福美满。不过，日前胡杏儿老公被影到于夜场派对连还揽女断正，热情拥抱的举动惹来网民热烈讨论。不过事隔两日，胡杏儿老公终蒲头回应揽女事件：“我是一名拥抱者。”
豹哥今日出席剧集宣传活动。（梁碧玲摄）
今日（20/3）单立文（豹哥）现身电视城出席无线处境喜剧《爱·回家之开心速递》宣传造势活动。对于爱妻胡蓓蔚好姊妹胡杏儿老公被爆夜场连还揽女惹热议。豹哥接受《香港01》访问时表示：“其实我觉得佢哋啲女人嘢我系唔会过问，譬如佢哋啲竹升仔觉得啲社交礼仪系啱嘅，而佢觉得系舒服咪得啰，两公婆啲规矩自己定。譬如我见到杏儿我都揽吓佢。有时候你都知，一饮大两杯就情绪高涨，梗系肉紧少少，呢啲都少不免。（你太太会唔会睇得你好紧？）因为我太太知我唔钟意俾人掂。同埋我觉得佢咁样俾人影到，我觉得系冇嘢啰。反而闪闪缩缩，同埋‘车震’呀，又匿埋暗角呀，反而啲我觉得系，佢身有屎。（睇到呢单新闻觉得好愕然？）咁又唔系，因为我见惯不怪。（网民指男方非一般社交礼仪，双手在女方身上摸又锡！）咁我又真系冇留意，你袭击我⋯点解你唔讲我生日，走嚟袭击我，钟意讲吓人哋啲八卦嘢。（想你以男人嘅角度点睇？）我觉得OK嘅，冇所谓。（知唔知太太有冇安慰杏儿？）佢哋冇嘢，安咩慰，同埋我哋出去玩都系咁见惯不怪，同埋佢哋“胡说八道”一见到我都揽紧我，我仲要系推开佢哋㗎。”
豹哥指胡杏儿与老公李乘德鬼仔性格只系热情对待朋友。（梁碧玲摄）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
