广东
“TVB金牌绿叶”戴耀明去年底被揭在黄大仙的茶餐厅打工，洗碗落单一脚踢，自报道曝光后他得到不少的工作机会，除了内地商演外，还有不少的广告工作，收入得以改善。今日（9日）戴耀明出席新剧《夺命提示》的宣传活动接受《香港01》访问时表示生活最近得到改善，工作机会亦相对以前较多。
戴耀明出席新剧《夺命提示》的宣传活动接受《香港01》访问。(陈顺祯 摄)
戴耀明表示“真系job多咗”：“尤其是内地嘅job多咗，香港都有啲job，都系啲商演啊，唱几只歌啊，又或者系啲剪彩啊。咁近期又都好庆幸有少少楼盘啲推广啊。”至于最近还有没有到茶餐厅打工时，他就指“好少”，因为最近幕前的工作开始比较多，所以茶餐厅的工作就会比较少回去。被问到当初聘请他的张本立（立哥）有否“诈型”，他则笑指“冇”：“我哋不嬲好朋友，好自由啊。”
戴耀明表示“真系job多咗”。(陈顺祯 摄)
戴耀明被问到立哥的茶餐厅准备结业，有否关心他发生什么事时，他就指是租约期满：“即系佢自己都想专心返佢原本喺尖沙咀间酒楼多啲，因为佢分两边都比较辛苦啊，同埋以我所知就租约应该系差唔多满，咁佢就可能话点都系啦咁就专心返啲。因为分两边呢其实都几辛苦，佢上昼又要返跟住直踩下昼又要返酒楼，所以佢系想专注返啲。”
戴耀明被问茶餐厅结业后可以在哪兼职，他就指自己已经很久没回茶餐厅：“其实坦白讲我自己都系想多返啲幕前啊，演员或者主持嘅工作。”有指立哥因为身体问题才打算把茶餐厅结束，戴耀明笑指他身体问题不大：“咁问题不大嘅，可能系应酬多啦，食滞咗啫，问题不大冇咩问题。”
戴耀明被问到立哥的茶餐厅准备结业，有否关心他发生什么事时，他就指是租约期满。(陈顺祯 摄)
自兼职工作被揭后，戴耀明被问会否多了人找他拍剧时，他即笑著回应：“都多咗㗎！尤其是内地呢，即系譬如一啲商演或者一啲短剧啊。（有冇啲嘢出咗街？）其实就拍咗一两个嘅，暂时仲未出街，咁但系就佢几时出街真系唔知。（系咪都陆续有嚟？）都陆续有嚟㗎，因为我哋呢啲价钱唔贵㗎嘛！又平又靓又襟做真系完全冇诈型，即系所谓三个字‘平、靓、正’咁所以都几受呢个平价嘅市场欢迎。”
戴耀明接多咗好多商演，仲有唔少嘅广告。(陈顺祯 摄)
虽然很多工作都是以内地为主，但香港市场都有工作予戴耀明：“香港都有嘅，香港都有啲游戏机嘅广告。”而被问到在内地商演时会否都受欢迎，他则指因为TVB而有人认识：“托赖我哋做咗三十几年，都积落咗TVB呢个牌子都一段时间，即系对于内地观众嚟讲都几深刻嘅。”
虽然很多工作都是以内地为主，但香港市场都有工作予戴耀明。(陈顺祯 摄)
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
