金像影后近年满头白发被指苍老，一原因刻意不染黑

陈志云早年在舞台剧《莎士对比亚》《欲望街车》《雷雨对日出》等与影后叶童合作过，近日二人又再聚头，陈志云邀请对方到自己网台的节目《最紧要健康》受访，讲起保养秘诀。61岁的叶童近年满头白发，曾有人指她衰老、变残，但她并未因此而将头发染黑，大方分享个中原因。

叶童与陈志云曾三度在舞台剧合作。（资料图片）

叶童以一身贴服银发现身节目，身穿黑白色套装，加上瘦削身型，诈看几似陈宝珠。讲到为何比以前更瘦，叶童指疫情几年间自己早睡了很多，应酬和派对少了、酒亦饮得比以前少，连饮食都变得清淡，“我忽然之间觉得，点解我试咗咁多减肥方法都唔得，但系无端端冇谂过会减肥就瘦咗。”

叶童接受陈志云网台节目《最紧要健康》访问。（YouTube@志云频道 stephenchannel）

叶童有几分似陈宝珠。（资料图片）

之前叶童（左二）演舞台剧，陈宝珠（中）都有去捧场。

问到是否崇尚“优雅地老去”，叶童表示年纪大就开窍了，觉得要接受自己，她说：“点解我要好不停咁样去刻意地扮后生呢？其实我一直都扮紧后生嘅，其实而家都系，可能系打扮或者行为啩，其实我唔会觉得自己系老，但系某个程度岁数有返咁上下，譬如话我接受我自己嘅头发颜色，我唔再去染头发嘅时候，我觉得都系一种接受。”

叶童五年前帮TVB拍剧都有染回啡发，看来的确较年轻，但她就觉得要学识接受自己。（TVB）

陈志云问：“你而家嘅头发系自然嘅？”叶童反问：“（唔通）一执执染㗎咩？哈哈哈！因为我好想知道到底我系点样，完全唔染系点样，跟住我就发觉都几可以接受，开始嘅时候都有好多人会畀啲留言，话你染黑色就靓喇，你而家咁样好苍老，但系慢慢慢慢我发觉啲留言冇咗喇㖞，然后有好多系好欣赏，几靓㖞、好cool㖞、好型㖞，当你发觉你唔去在意嘅时候，你就会有啲得着。”话虽如此，但陈志云就问到，被指变残有否感到不舒服，叶童表示：“我只系觉得，佢接受我唔应该净系接受我嘅外表，其实真实嘅我系点样你都唔清楚，你只系俾我嘅外表左右你嘅睇法，即系话你睇外表系睇得比其他嘢重要。”

叶童近年自然地变了一头银白发，她直言刻意不染黑：“因为我好想知道到底我系点样，完全唔染系点样。”（抖音图片）

她又认为很多人对美的观点不够宏观，后生仔女当然靓，但会觉得就只有后生、有活力而已，相反地她见到很多上了年纪的男士、女士，会觉得很有魅力，“我会好忽然之间都望多两眼，睇吓佢衣着、打扮，好得意㖞，头发、发型、面部岁月嘅故事，我都觉得好吸引。”

叶童认为很多人对美的观点不够宏观，不一定后生才是靓。（YouTube@志云频道 stephenchannel）

陈志云透露自己有医美，试过注射透明质酸减淡虎纹，但自己见到有圈中人打得多，做戏做不到表情，肌肉僵硬；又试过因为见到人整完走样，本身谂住去整眼都临时退订，他问叶童有没有试过医美打针，叶童先说：“你问啲咁嘅问题㗎乜你！（陈志云：即系好似打啲水份落块面。）水份系咩嚟㗎，我未听过，我而家听到，我返去试吓。冇乜，我做啲简单嘅Facial， Laser啲都会做嘅，我个人比较保守，好多人做完一大轮，我会觉得可以接受，我咪会考虑。”叶童指自己最怕做得多会上瘾，坦言：“你一见效，就会不停咁去追求件事，相对嚟讲我会觉得被控制，我唔想被控制。”总括而言，她认为一个人要先接受自己、喜欢自己，别人自然会感受到你的磁场，到时不接受你也不行了。

陈志云自爆有做医美，打过透明质酸。（YouTube@志云频道 stephenchannel）

叶童指自己最怕医美做得多会上瘾，坦言：“你一见效，就会不停咁去追求件事，相对嚟讲我会觉得被控制，我唔想被控制。”（YouTube@志云频道 stephenchannel）