香港
黄剑文计划操肌配合挑战出跳唱歌 重踏追梦起点 澳洲行感触到喊
黄剑文（Kimman）形容去年是圆满的1年，完成了多项心愿，又再次踏足追梦起步点澳洲，令他一度感触到喊，感恩自己努力坚持有今天成绩。他希望今年能保持步伐，挑战更多新工作，其中最想推出跳唱快歌，更计划努力操肌配合。
採访：杜杜 摄影：林宾尼 髮型:Brian Lukby Hair Corner 服装:尺渡.Man 场地:The AIR (The ONE)
Kimman参加完《中年好声音2》后忙足1年，但完成了多个目标好充实，“做咗好多嘢，虽然少休息，但好似1年里面成就咗好多要追嘅梦，可以出到新歌《默默》，演到音乐剧《为你锺情》，做埋同叶巧琳合唱歌《尽头重遇你》，又做咗65场学校分享会，10月22日举行咗自己演唱会《Stand By Kimman》，10月23日再飞去澳洲做分享会。”
期待再有演戏机会
提到澳洲之行，Kimman感受特别深，期间更一度流下男子泪，“好似返去交功课咁，10几年前喺嗰度工作假期咗1年半，嗰时开始以音乐为生，busking同做歌，起步去追梦，好耐冇返去，见到人busking好激动忍唔住喊，谂返嗰时好似噚日发生嘅事，自己有今日嘅成绩係因为冇放弃，对我好大鼓励。”
此行他见返不少好朋友，行程亦相当紧密，“去咗3个城巿，做咗12场分享会，又有唱歌，以前挂住busking，冇时间睇真啲个城巿，今次可以慢慢睇，加上差唔多圣诞节，好多佈置好靓，亦咗啲礼物返香港。”
讲到今年愿望，Kimman想继续充实，亦打算推出快歌等，作不同尝试，“要keep住步伐好似好简单，其实唔容易，想做多啲唔同作品，同勇敢挑战快歌，仲要跳埋舞。”
会否骚肌配合快歌？他直言演唱会后不再抗拒，“以前唔会想做gym，但演唱会前跟过教练后，就有动力再做，真係着衫好睇咗。”
继客串《爱．回家》小巴司机“尊扇”后，他想有机会再演戏，“嗰次客串完反应几好，都想再演多次，但我唔识揸车可能要学吓先，如果有其他角色都唔错。”
他又期望有机会跟“中二生”齐拍综艺，“拍旅游节目应该几好玩，可以一齐去澳洲，我熟嘛！”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
