广东
《东张》女神李旻芳今晚（15/2）现身电视城出席无线综艺节目《大师兄春日限定感谢祭》录影。李旻芳接受《香港01》访问时表示：“其实我入咗TVB咁耐，第一次参加感谢祭，之前系冇玩过，变咗我寻晚就做定功课，因为佢有啲题目系要讲一啲名称，变咗我要做定资料搜集，之前我上森美嘅节目《今晚乜都拗》都有做定资料搜集㗎。”
李旻芳首次参与综艺节目劲兴奋。（叶志明摄）
早前李旻芳在《今晚乜都拗》自揭曾遇出轨男，指当时全靠好朋友通风报讯才果断分手，并辗转遇到现在的老公兼找到真爱。再次重提前度出轨一事，李旻芳显得欲言又止：“其实我系一个好感性嘅人嚟，呢件事我未曾讲过出嚟，一提起我又会⋯其实你有冇啲情伤讲嚟听吓？（我冇报《东张》！）哈哈，其实呢段感情已经放低咗好耐，但因为系初恋，所以个伤疤仲有，咁所以就难啲啰。（拍咗几耐？）其实我都唔系好记得，我谂好似一至两年咁。（而家有冇撞返佢？）哈哈，点解你问得咁深入嘅，哎呀，俾佢睇到点算呀，唔制呀，我唔要。不过讲真，系有撞过嘅，但就冇接触，而我老公佢系知道嘅，因为我所有秘密佢都知道晒，佢仲知得清楚过我，佢只系未见过佢啫，（旧爱出轨好多次咩？）唉，你明唔明Playboy系点㗎，就系好似你呢啲咁。（唔可以以貌取人嘅，我够觉得你老公好花弗，但都好专一！）哈哈，Ok，你赢咗。”
李旻芳上节目自揭旧爱出轨。（叶志明摄）
《东张》女神李旻芳今晚现身电视城出席无线综艺节目《大师兄春日限定感谢祭》录影。（叶志明摄）
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
