被邀做诈骗营司仪？　黄建东被网民怂恿：啲网民就好想推我去死

近日东南亚诈骗营春晚影片疯传，TVB艺人黄建东转发《香港01》有关新闻，并在Instagram上分享，还问网民意见：“原来KK园都有搞周年晚宴。如果请我做司仪，究竟做唔做好？”《01娱乐》whatsapp黄建东，他表示收到不少网民意见，而且反应两极，有人劝他千万要小心，但也有网民极力推荐他去，还笑言希望收到他的“电话”，令人无奈又好笑。

黄建东在中《黑色月光》落力揣摩角色。（IG图片）

睇完诈骗营春晚报道O咗嘴

黄建东接受《香港01》访问，他直言：“首先我睇到呢个报道真系‘O’咗嘴，吓亲咗。因为我一路睇新闻都知道诈骗营好恐怖。我都睇过《孤注一掷》套电影，睇到一半真系觉得好心寒，佢真系无所不用其极控制你，而且屋企人都唔知，所以我都觉KK园系一个好恐怖嘅地方，同埋令到自己唔敢去泰国，同埋东南亚都尽量少去啲，因为真系担心。”

黄建东前日（9日）出席“TVB 职艺员联欢晚宴 2025”。（张祖铭摄）

黄建东都系想睇吓大家有咩反应。（IG截图）

几年前去过柬埔寨工作：寓工作于娱乐

他续说，如果收到有关的诈骗营邀请，当然不用前往，亦不敢去。“因为我好奇大家点谂，所以先出呢个story。”他也分享道，其实早于几年前诈骗营新闻遭大众疯传及讨论的时候，自己曾前往柬埔寨工作。“次柬埔寨个Job价钱都合理，同埋时自己新啲，觉我出埠工作机会难得。本身未有呢啲新闻，我觉得飞呢啲东南亚地区嘅机会都好难得，因为对方永远都系提供食宿交通，所以对我哋艺人嚟讲最开心就系可以寓工作于娱乐，工作完完可以留低游览。但系经过诈骗营呢啲事，就会真系好小心，除非系公司带我哋去就唔担心。”黄建东又表示，好有可能将来会到欧洲出埠，他坦言自己未曾到过欧洲，所以相当兴奋和期待。

阮兆祥带领福禄寿学员黄建东、刘倬昕等人与《亚洲超星团》成员丁子朗、冼靖峰、黄奕斌、文佐匡、黄星绰组成“Kowloon”表演《Shining》。(节目截图)

网民“玩嘢”叫黄建东快啲去：好想等你打个诈骗电话返嚟

至于网民对这个限时动态有什么反应，黄建东则表示有不少网民劝他不要接触这些工作，就算有几多报酬都不要上当，但也有网民“坐定定食花生”，留言怂恿他去工作。他说：“另一啲网民就好想推我去死咁 ，哈哈哈，话：‘你快啲接啦，我好想等你打个诈骗电话返嚟。’so far都冇人闹我，因为大家都知我系讲笑，纯粹系分享吓。”