陈懿德主持万千颁奖典礼网民反应两极化　本尊发文高EQ回应劲谦卑

陈懿德（德德）今年首次担任年度盛事《万千星辉颁奖典礼2024》大会司仪，主持表现瞬间成为网民的讨论热门话题，在颁奖典礼中更获得“最佳女新人”，人气指数爆灯！讲到她第一次主持，外界的反应两极，对此她亦有在IG发文回应：“大家嘅评语不论好与否都多谢每一位嘅你，每一个留言都令我进步，我好感激大家好嘅留言，每一个都系好大嘅鼓舞，好感恩你地睇到我嘅好，你地令我相信自己都有点good enough，不过成长就系要将本身嘅不足同唔擅长嘅变成comfort zone 所以多谢唔好嘅留言！”

陈懿德今年首次担任年度盛事《万千星辉颁奖典礼2024》大会司仪。（IG图片）

她继续感性发言：“我知道我真系未必系最靓最得人中意把声最好听，但我应承你地会努力逐样令自己更值得，每次都比你地见到有进步，我知道自己把声偏高 亦系我最大嘅concern，我事前彩排嘅时侯 系好刻意压低自己嘅声线，大家听到觉得好似好平 所以我tune返high小小，但我睇返playback都觉得要tune返低，辛苦大家了唔好意思！”

陈懿德感性发言。（IG图片）

提到第一次担任大会司仪的感受，她谦虚表示：“第一次参加颁奖典礼系东张主持，今次可以做到大会司仪真系好开心，呢个系我最大嘅奖，一开始听到自己要一个人做呢个show嘅时候其实好怀疑呢件事系咪真 亦都好怀疑自己系咪值得/系咪能够胜任呢个show，毕竟我都系2024的3、4月先开始做司仪，但我只可以用我最大嘅努力、最好嘅一面去答谢呢个机会，呢个月真系用尽有时间闭关做功课，2倍速去睇哂所有入围剧集 试过两日睇哂25集，抄低大家讲过咩深刻对白同睇哂所有各大颁奖典礼做参考，包括以前万千星辉 金像 金钟 金马 oscar，但最sad系做完show漏了陪伴我作战嘅稿同notes…伤心到傻了！”

陈懿德主持万千颁奖典礼。（IG图片）

她最后亦有分享最感动的时刻：“有同事之前同我讲哗你啲懒音好劲，琴晚佢话哗你真系进步咗好多，真系忍唔住要喊，作为一个司仪真系想做到字正腔圆，但想讲俾大家听其实改懒音就好似改唞气方式咁，你咁样唞气咗20几年突然间大家话你咁唞气系错嘅要改 ，其实真系好难，仲要谂稿嘅同时再谂埋点pronounce 系双倍嘅workload，但我真系改紧 应承你地会更好的！”