女星被爆同时钓六个富豪，大肚后却冇人肯认头

近日钟睿心（五索）高调承认自己是马清铿情妇，成为全城热话。前晚（20日）吴家乐、邓兆尊与谢逊主持网台节目《娱乐好好玩》时，邓兆尊都有评论事件，期间他更大爆料，指有女艺人同时与6个富商交往并且怀孕，试图绑住富商，结果6个都只当她“公家车”，富商各自畀完掩口费就走人，这位未婚女星要独自凑大小朋友。而邓兆尊更提供7大线索帮大家揾出事主，身份呼之欲出。

邓兆尊说：“以前有一个女星，佢同时交往咗四至六个有钱佬，无啦啦就有咗，跟住问我而家应该同边个、点样摊牌，我话呢啲冇得摊牌，你唔好谂住佢而家有咗，佢叫你验DNA，你验咗边个出嚟，你同时期㗎嘛，你唔好谂住渔翁撒网六个一齐收钱，卒之佢成功，揾到六个收钱，但六个都唔认头。”

邓兆尊大爆有女星同时与6富豪交往，大肚后想渔翁撒网收钱，但六个都唔认头。（YouTube@娱乐好好玩）

他指富商只个别给她一笔分手费就斩缆，连小朋友都唔要，叫她自己养。又以“同一个车会会员”比喻这班富商：“我哋同一个车会，你又揸过架车，我又揸过你架车，边个认头呀架车？边个要呀？咪当公家车。（谢逊：攞八达通啰唯有。）攞出去俾人嘟啰，冇办法。”他又谈到有钱人的游戏规则：“你去到呢个层次，饭局出嚟嘅话，好坦白讲，你有冇俾人揸过呢架车，知道嘅。”

邓兆尊指，富豪间互相知道对方“有冇揸过呢部车”，因此该女星的如意算盘打唔响。（YouTube@娱乐好好玩）

吴家乐叫他不如开名，邓兆尊就坦言会影响到人，所以不好，期间有人问是不是当年未婚产女的杨思琦，兆尊否认对方姓杨；又有人问是不是他的绯闻女友陈彦行，他表示：“唔会，行姐咁蠢，点会做依样嘢？系觉得自己聪明嘅女人先会做呢样嘢，‘有咩男人未见过？有咩人我hold唔住？冇人可以喺我胯下挨到15分钟！’我话呢个圈唔系你谂得咁简单，直接濑嘢。佢赢咗一大嚿钱，但系一个女人最蠢系咩呢？无啦啦生个小朋友出嚟谂住绑住个男人，仲要六个一齐嚟，谂住六个绑到一个，点知个个都绑唔住。”

留言区很多人估是杨思琦，不过邓兆尊否认，指该女星冇选港姐，姓氏为陈、李、张、黄、何之一。（IG图片）

而综合邓兆尊的线索，该女星有以下条件：

1.与吴家乐、邓兆尊同年代
2.曾与吴家乐拍剧
3.不是港姐
4.未婚但有小朋友
5.拍古装多于时装
6.身材好Fit
7.现时两地走
8.姓氏为陈、李、张、黄、何五大姓之一

邓兆尊指，涉事女星绝不是陈彦行，更称：“行姐咁蠢，点会做依样嘢？”（fb图片）