乐小姐回应炎明熹合约问题！谈及伍仲衡“截糊”签约

锺柔美（Yumi）本周六（21日）正式踏入18岁生日，昨日（19日）于酒店宴会厅举办生日会，好友姚焯菲及张驰豪都有到场为Yumi送上祝福。作为TVB高层的乐易玲（乐小姐）亦有到场送上祝福，乐小姐接受《香港01》访问时被问到会否有特别规划，她表示旗下每个艺人都有安排。

乐小姐指：“咁个个我哋都有规划嘅，尤其是依家我哋喺我哋All About Music呢，爱爆音乐呢，我哋其实将我哋旗下嘅每一位Management Artist同埋歌手呢，我哋都其实已经plan咗有前面嗰几年应该点做。”

乐小姐还大爆Chantel很快就会加入《爱．回家》剧组：“唱完主题曲就好快要去爱回家！”

除了拍剧之外，乐小姐更指将会有很多计划进行，例如有舞台剧演出。乐小姐更指Yumi及Chantel都已经18岁了：“呢两个都大过女喇嘛，依家上完《声生不息》之后，因为18岁啦嘛，咁可以好多我哋大湾区或者内地嘅综艺佢哋都可以上。”

Yumi最近多了很多工作，乐小姐被问到是否重点放在Yumi身上，她指“其实个个都有”：“三小花，同埋Aska Archie，Felix啦，Felix你见到《声生不息》佢迴响都好大！”

而被问到是否因为炎明熹不续约后而对“声梦”的人多了照顾，乐小姐则指“唔关事”：“我觉得每一个我都照顾！只不过你讲Gigi，其实Gigi因为佢唔係喺我哋AM旗下嘅，佢係喺‘TMG’（TVB Music Group）旗下，所以我唔清楚TMG点plan畀佢啦。但係近来佢做嗰个《恋上西沙》，同埋佢嗰首歌，我哋都继续，公司嘅工作我都会继续，你都见到。而家我哋都宣传紧，就快播！”

但被问到当日《恋上西沙》宣传活动时，炎明熹没有受访就离开时，她则指不太清楚，因为当日不在现场。而问到之后的宣传活动会否继续出现时，乐小姐就表示：“我哋有啲剧呢，都有啲Artist唔係我哋TVB嘅Artist，佢都有帮我哋一齐宣传，一路以嚟都係咁。”

而问到有关炎明熹的合约时，她则笑指“唔方便答”：“呢样嘢我唔係好方便答，因为佢唔係我哋AM嘅，应该你问返TMG或者问返何先生。”而再合作的可能性就：“我觉得任何嘢都有可能嘅，任何嘢都有得倾嘅，任何嘢都有可能嘅。”

乐小姐更指炎明熹是小朋友：“佢真係细路哥嚟嘅啫，如果每一个人有佢自己嘅想法，我觉得应该畀啲时间佢自己再谂下。”乐小姐没有否决与炎明熹再合作的可能性，是否即代表炎明熹有机会继续留在TVB？

乐小姐被问到有关伍仲衡一事，她即说：“我谂我都係坊间好多唔同嘅新闻，我都先至知道，但係我都同佢唔係咁熟，我就冇去问佢，我都睇到坊间好多新闻。”

至于被问到是否因为利益衝突而做出这个决定时，乐小姐则指“唔觉係利益衝突”：“我唔觉得我哋需要去争任何嘢囉！唔需要嘅我觉得，即係其实喺坊间，依家其实不管中年好声音又好，不管年轻嘅歌手又好，其实真係好多人锺意唱歌，其实我哋应该不断发掘多啲人。”

伍仲衡方面，乐小姐就指因为他不是TVB旗下的艺人：“佢唔係我哋旗下嘅合约艺人，所以我唔知道佢嘅工作情况，因为佢唔係同我哋有任何合约㗎。”

乐小姐更表示不认识洪心怡，她指唯一一次见过她就是港姐决赛当日，洪心怡有份演出：“我都冇同佢交谈过，我唔熟佢，我係嗰日我去睇排舞嗰阵时，佢唔係度，但係喺演出嗰阵时，我见到佢我仲问，呢个係边个嚟㗎？”因为当日有很多不同的歌手及艺人回来表演，所以不清楚她是谁。

另外乐小姐被问到会否觉得伍仲衡“截糊”签约洪心怡时，她再指“我觉得冇嘢係应该要抢，每一个人有自己，如果佢…我真係唔知佢哋情况点啦，我觉得我哋使乜要抢人啫，我哋再办一次比赛就已经有好多人会报名㗎啦。”

而当日洪心怡有指TVB曾approach 过她，但因为阻于音乐自由的关係而选择签约伍仲衡，乐小姐3次表示“冇approach 过佢”：“我冇approach 过佢！我冇！”但就不排除TVB还有其他人曾联繫过她。

乐小姐还多次表示自己不认识洪心怡：“你正话讲嗰位歌手，佢应该係歌手，佢如果觉得喺呢度唱歌，係会令到佢窄嘅话，有咩所谓啫？呢个世界好多人需要我哋个台嘅支持，如果佢有啲咁嘅选择，我觉得都要尊重佢嘅选择。我真係睇到外面你哋嗰啲报道我先理解，你讲个名我而家先记住，洪心怡！”