罗天宇被阿妈逼入行！顶硬上选港男：永远都觉得她係为我好

专访｜罗天宇被阿妈逼入行　顶硬上选港男：永远都觉得佢係为我好

罗天宇于TVB新剧《巾帼枭雄之悬崖》饰演江湖杀手，拉车夫韦豪而人气急升，其实除了这套作品外，罗天宇过往亦有不少佳作，每次都能为观众带来新鲜感，例如2020年《香港爱情故事》饰演陈子朗就试过爆肌骚身材。

2022年也有《飞虎之壮志英雄》，今年则于《巾帼枭雄之悬崖》饰演江湖杀手，大部份动作场面都亲身上阵“打到飞起”，而来年亦将有《金式森林》。他说：“开剧之前，就算见到武术指导，导演，佢都只係问我有冇跑步？”

《巾帼》武打担当

为什麽要问有没有跑步？原来是因为安排了他做剧中的“武打担当”。

他续说：“又冇讲要打，我就一心觉得个角色係一个枪法好犀利嘅神枪手。点知真係打到，初头打嘅时候都几气愤，点解打极都打唔到。”他坦言，自己掌握不到拍打戏的箇中窍门，一直都打得不好看。幸好罗天宇有跳舞底子，学习了一段日子后，打戏就变得较易掌握节奏。

入行係命中注定？

而罗天宇的入行经历，也颇有命中注定的味道。他透露当年在澳洲留学，但最终决定放弃升读而留在香港：“嗰阵好兴KPOP，Rain嗰啲，一路学呢啲，后来有队crew去文化中心嗰啲表演，都真係几锺意。后尾就继续有师兄话不如学拉丁啦，有间studio请人。”所以，他又辗转之间去了排舞室学跳拉丁舞。

《舞动奇蹟》帮胡定欣练舞

途中，他又遇上了周志坤老师，《舞动奇蹟》的幕后推手兼评审，又在机缘巧合之下成为了胡定欣的练舞。“嗰时佢拍档好似郑嘉颖，唔係好记得。老师教完佢嗰段舞，佢需要练习嘅时候我就做定欣个男伴，所以同定欣识咗十几年，而家就同一套剧，你谂吓几神奇嘅一件事。”

选港男係被逼？

及后《香港先生选举》展开，罗天宇的妈妈听到有关消息后，就直接帮他递交了表格。他说：“后尾老师就同我阿妈讲话，不如畀佢参加《港男》，跟住我心谂：‘唔係啩’，但係我由细到大都好听阿妈话，佢话试吓囉，当去玩一个summer camp，畀自己走出框框，认识多啲人又好，见吓世面又好。我永远都觉得阿妈讲嘅嘢係为我好，咁喺我谂紧之际，佢就帮我递咗form。”

当时的罗天宇对自己没有太多自信，认为比不上其他人，但无奈妈妈已替他交了表格，最后就唯有“顶硬上”，就是这样，他就由一位外国留学生成为了现时TVB的靓仔小生罗天宇。

一家人感情　妈妈：我哋三个唔会分开，为什麽罗天宇会这麽孝顺而又顺从妈妈呢？

他坦言，自小在单亲家庭中长大，而妈妈都会给予无限爱和照顾：“我谂由细到大灌输嘅一样嘢就係，我哋唔会分开，无论佢嘅伴侣係边个都好，就算最后冇伴侣都好，我哋三个，即係我，细佬同妈妈三个人唔会分开，所以我哋有一个好强嘅三角形，bonding喺度。无论第时发生事，都係三个人去面对困难。”