香港
丁子朗同黄庭锋齐献出“第一次” 连台庆工作都孖住做变孖公仔？
丁子朗、黄庭锋与连诗雅昨日（24日）一同出席时装荟巡礼活动，他们更会在巡礼中“行cat walk”，但原来丁子朗及黄庭锋均表示今次是二人的“第一次”！初体验行cat walk的二人十分兴奋，在接受传媒访问时都流露著期待的表情。
丁子朗及黄庭锋一听到“行cat walk”时即表示“正”，丁子朗：“今日我哋嚟嘅目的就係嚟行show，有啲紧张，因为今日我哋叫做model嘅身分嚟行天桥。而啱啱化妆同换衫嗰个房全部都係专业嘅model，男女都係，全部都好高，跟住望住佢地哗咗，原来呢啲真係model！”
黄庭锋即笑说：“唔敢靠近啊！我呢排睇咗好多fashion show或者係人哋点样行，自己行今次真係第一次，所以我係都少少紧张嘅。”
兴奋的二人即互派高帽，丁子朗问黄庭锋有什麽准备时，黄庭锋表示：“睇你平时啲相点样摆pose啊！”丁子朗即说：“咁啱我都係睇紧你啲相喎。”
黄庭锋认为丁子朗很懂得“摆pose”，所以要“参考”一下，看看能不能学以致用。同为“cat walk初哥”的二人，都觉得主办十分“大胆”，会请两位未“行过cat walk”的他们来走秀。
有关台庆最新宣传片已经播出，丁子朗被问到主题是什麽时，他表示不知道，因为当时他只是在“绿幕”前拍：“大家见到有啲灯柱升上嚟啦，跟住嗰日係拍咗少少嘅啫，我哋最主要喺个绿幕面前拍嘅，咁个绿幕就拍咗全日，四周都係绿色嘅地方行嚟行去，跑嚟跑去啦。所以最后点呢，我就真係唔係好清楚，听讲有好多artists一齐会参与嘅，可能6个人3男3女咁负责佢嗰part。”
被问到台庆会否参与时，二人都表示在同一部分出现，黄庭锋说未能透露在台庆中负责什麽，而丁子朗则最希望参与“抽奖”这部分。
丁子朗早前与家人游上海是因为家姐表示从未去过上海，所以就自动请缨带她去游玩，他表示之前拍摄《亚洲超星团》时在上海待了大半年，觉得可以为家姐做导游。
最后却去了很多旅游景点：“所以我都係第一次experience呢个旅游啲嘅地方，好开心啊。但因为知道有呢个工作，所以旅行嗰阵都唔敢食咁多啊。”
有网民指最近丁子朗消失于荧幕前，丁子朗解释道：“最近我就拍咗个公司anniversary嘅promo啦，大家有时间可以网上见，同埋小弟都拍咗几套剧，但就可能排紧出街，就真係有啲麻烦嘅。所以呢排神隐拍剧，但依家呢又有啲break喎先开始下一套，咁所以就希望我会喺社交平台活跃啲啦。”
丁子朗更讲到最近的生活过得很充实，除了去上唱歌课外，更陪家姐去了旅游，所以网民不需要担心丁子朗去了那裡，他只是拍完的剧集还未播出而已。
最近黄庭锋随“明星足球队”到内地作赛，被问到怎样加入球队时，他表示是一个机缘巧合：“上次国庆嗰个表演，咁我哋係后台，曾生就经过走过嚟讲：‘喂，嚟紧踢波喎！’我话踢波好啊，几时啊喺边度啊？原来佢话天津，我话去到咁远，咁就应承咗。谂住其实去练波去玩嘅啫，点知第一次去到原来有两万几名球迷，即係我细个我睇好多贺岁波啊，睇其他比较我睇得多。但我第一次喺个球员通道拖著个小朋友咁样出去，嗰种感觉係我谂每一场都係咁爆。”
而被问到加入“明星足球队”后会否令黄庭锋在内地开拓市场时，他则说：“说实话，其实上面都有好多好热情嘅观众，所以我希望佢哋会继续支持我哋啦。（係咪叫正式加入球队？）我谂都係。”
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
