冼靖峰曾失言致情绪低落 自困房中3天：唔敢面对父母

冼靖峰曾失言致情绪低落 自困房中3天：唔敢面对父母

现年26岁冼靖峰（Archie），参加无綫歌唱选秀节目《声梦传奇》入行，曾因失言惹热议，有段时间他到内地拍剧。今年Archie凭剧集《神耆小子》及选秀节目《亚洲超星团》跻身男团LOONG 9-V分队成员，而人气急升。

Archie为派台歌《无意冒犯》接受商台《星光背后》访问，谈及当时为追梦而放弃高薪厚职，亦分享父母价值观，更剖白过去曾失言而汲取教训的经历，并回应两段绯闻。

Archie毕业后原本在银行工作任职MT（Management Trainee管理培训生），他毅然放弃一份起薪近4万高薪厚职，转投没有稳定收入的歌手职业，被问到当时父母对Archie入行的反应：“我印象好深刻，声梦决赛当晚返到屋企，我就同爸爸讲，家难得有个机会又有份合约，觉得呢个係好嘅时机入行。嗰次都係第一次同爸爸好认真倾偈，爸爸听完之后话：‘你畀啲时间我考虑下’。”

父母认真考虑过后，并未反对Archie入行：“爸爸考虑完之后就同我讲：‘只要你唔好后悔你嘅选择，我哋都会support ! ’原因係以前喺中学、大学玩音乐，屋企人都当我玩玩下，叫我唔使睇得咁重，但比赛后见到真係有份合约，佢就叫我要认真对待呢份职业。”

Archie在2022年一个直播音乐会上失言，事件网上发酵，虽然他曾开腔道歉，但网民对其道歉仍未收货，在网上展开洗版式声讨，令Archie形象受挫。

Archie亦汲取教训，更自我反省：“呢件事到家对我有好深影响，就係要谂清楚先去讲每句说话。当时我个脑慢过我个嘴，讲得好快，就讲咗啲唔应该讲嘅野，呢件事后我都有反省，会谂点解当时会发生呢件事，同自己讲我係要用作品让人认识我，呢个都係我入行嘅初衷，需要作品行先。”

Archie坦言当时因被洗版式攻击而情绪低落：“当时唔係惊咁简单，而係情绪低落，因为第一次面对负评，个感觉唔好受，令我对未来睇法都有变。”

剖白事件后不敢面对父母：“当时我係唔敢面对父母，困咗自己喺房3日，我唔想令佢哋担心，但我做紧嘅事，就係令佢哋担心紧，不过，又因呢件事知道身边嘅人都好关心我，令我捱过呢一段时期。”

早前Archie以“我家真係冇谂拍拖，家做咗idol，要专注事业”，来回应与方皓玟的绯闻，被问到这个回应是否衝口而出，他解释：“因为我係偶像团体入面，我都唔想专登否认我有呢个身分，玩呢个比赛都要选一个偶像团体出嚟。其实我係想带出，家我事业博杀期，谈恋爱呢啲就唔谂咁多住。”

之前被影到詹天文屋企，他回应：“唔係去佢屋企，只係收工搭车要经过商场落去搭车，而个商场就係个屋院入面。”而与方皓玟的绯闻，Archie表示不作评论，只不希望打扰到前辈。