TVB女星网上公开闹老公！撅起屁股就知道你要干什么

吴若希爆粗公审老公 窒Alex身有屎：趷起条尾都知你做咩

吴若希（Jinny）和老公何兆鸿（Alex）婚后育有一对仔女，两夫妇在结婚初期常因小事争执，Jinny更不时公审老公，但近年Jinny其实已少了公开数Alex不是，不过今天（9日）Jinny忍不住爆Seed，在Ig限时动态连环发文公审Alex，又贴出两公婆对话截图。

Jinny似乎对老公接送女员工感不满，并在对话中截图爆粗，Jinny先写道：“好X sweet呀~仲可以同人一齐搭地铁返工。”Alex回老婆：“我要佢签MPF。”Jinny再说：“真係好大嘅原因呀~叫佢签MPF，就要车人返工，又要陪人搭地铁。好X sweet啊~你唔好俾人影X到啊~”

Alex再答Jinny：“其实我真係已经好多嘢烦，我唔明点解我咁样我都要比人闹，我唔同你讲，闹我都正常，我真係做嘢，我之前几年做垃圾做唔到嘢又闹，我而家做正经嘢都闹。”Jinny反问老公：“做嘢又要俾我闹？你做啲咩俾我闹？”

Jinny在该对话截图写道：“其实呢女人係好敏感嘅，你趷起条尾都已经知你会做咩㗎。今朝何生好积极咁话要车同事返工，俾我话完之后，好有骨气地讲，连车都唔揸 ，自己搭地铁。我又唔知点解，突然间觉得佢应该係搭地铁搵佢公司同事，我Chok完佢第一句，佢又真係答我係喎﹗”

Jinny再写道：“即係我自己都有公司，都有帮人哋供MPF，我家先知原来MPF需要老闆亲自攞文件俾员工签，男人呢~就好得意嘅，身有屎嗰阵呢，就会话自己已经好多嘢烦，怪返女人唔体谅佢。”

Jinny及后再在Ig限时动态发文暗窒老公：“作为太太，要提就提咗，佢选择尊重你，定係选择无视你，係佢嘅决定。有啲人会忍，有啲人会嘈，我呢，同呢个人相处咗八年，太清楚佢咁嘅回答係代表咩！所以呢讲埋今次，之后大家喺条街度见到佢同第二条女一齐，唔好大惊小怪，因为佢都係做嘢嘅啫！”

Jinny爆Seed后依旧上跳舞堂，其间她收到很多安慰及支持的信息，她表示：“放心，我真係冇嬲~与其花时间喺呢啲位，我会选择好好增值自己﹗做好一对仔女嘅榜样，touchwood真係要成就人哋一对眷侣嘅话，我起码有能力养起一头家，毕竟最爱嘅都係一对仔女。”

及后Jinny主动向MPF Agent私讯求证：“想八卦家咩情况，係咪需要Alex亲自去搵个员工签返名今日之内交畀你？”

该Agent诚实说：“唔係呀，我同佢沟通咗，我听日下午会去葵涌公司搵佢员工签名呀。”Jinny再说：“但係佢今朝已经去咗佢员工屋企搵佢签名喎，因为佢话要赶做银行嘢。”

Jinny在该对话截图写道：“Btw，大家都唔好误会何生，佢女同事喺启德，我哋住何文田，又真係好近嘅，何生呢种反向思维，好忙但係唔想麻烦到个Agent，要亲自去搵女同事而唔係直接返公司等女同事返工都情有可原嘅。”

最后Jinny再发文：“头先谂谂吓，唔应该误会人哋个Agent，可能人哋个Agent已好努力。”