张曦雯至爱重口味 谭俊彦靠Mo记咖啡提神 龚嘉欣买磅警惕自己

企业强人｜张曦雯至爱重口味 谭俊彦靠Mo记咖啡提神 龚嘉欣买磅警惕自己

TVB剧《企业强人》在深圳拍摄得如火如荼，剧中演员包括陈豪（阿Mo）、谭俊彦（Shaun）、龚嘉欣、张曦雯（Kelly）、姜大衞及李成昌等，日前剧组为幕后人员大搞庆祝生日派对，台前幕后打成一片。

首度加盟《强人》系列的Shaun受访时，大讚《强人》团队团结：“好荣幸可以进入《强人》世界，呢个可能係我近年来参与过最团结嘅一个剧组，台前幕后嘅兄弟姊妹有好多已经合作过好多次。因为一班工作人员要离开自己屋企，一齐进行几个月嘅拍摄，的确需要互相扶持，虽然家拍摄仲未完结，不过大家已经有依依不捨感觉。”

Shaun笑言在深圳开工最难抵挡是美食诱惑：“拍剧嘅时候我会保持食得清淡，但深圳太多美食，我只可以每日保持适当运动量，都算冇肥冇瘦，但今次服装大部分都係西装，一定要保持身形。”

谈到新剧拍档陈豪，Shaun笑言对方是其精神食粮：“家成日有得饮Mo记咖啡，佢唔喺度时、冇咗杯咖啡係提唔起精神讲对白。”

首度加盟《强人》系列的龚嘉欣，透露剧中有不少开会戏分：“大家会舌剑唇枪咁去角力。”龚嘉欣曾于社交平台贴靓相，分享拍摄开会戏分花絮：“终于完成了重要会议戏份，感谢企业强人团队的每一员，合力打造一场又一场的精彩场口，不容易！是挑战，但更是享受！稍稍鬆了一口气，才记得自己讲完八场戏对白，喉咙痛了，还有那膝盖发炎了几星期的脚，一演戏就是这样忘我！”

她坦言拍摄《企业》时特别有共鸣：“家饼店生意靠香港团队帮手睇住，佢哋都好好、好体谅，因为我家嘅生意係刚刚起步，觉得同今次《企业》剧本好有共鸣，剧本写嘅嘢，就係现实生意上经常都会发生嘅事，令我都更加有投入感。”

已非首次与两大视帝陈豪和Shaun合作的嘉欣，直指拍摄时由于更易捉准对方感觉，故特别有火花；嘉欣又谓不用拍摄时，大家会瓹窿瓹觅食：“当然唔少得饮咖啡啦，饮咖啡时仲有阿Mo讲解，直头好似上多咗堂咖啡堂咁。同埋剧组有一班年轻人，佢哋好犀利，成日喺网上面查到好玩地方。”

嘉欣又大讚剧组很有爱：“大家每日都会互相准备好多美食，日日都有唔同惊喜，好似水煮鱼、港式麵包同埋珍珠奶茶，搞到我都特登买个磅提醒自己！”

已是第5度拍摄《强人》系列的Kelly，透露与《强人》幕后班底合作无间，感情犹如家人，她说：“今次幕后同事比较辛苦，要日日开工，所以每日开工都会谂下叫啲咩外卖，同大家‘万岁’ 开心。”

Kelly又自爆是宅女一名：“我係一个Homebody嚟，虽然有时都会去食嘢，但大部分时间留喺酒店睇剧本、睇书同煲剧，又可以叫外卖，好享受呢几个月嘅拍剧时间。”

Kelly又透露自己爱吃重口味食物，但却很少人看得出，并曾因而引发笑料，她说：“因为同Shaun第一次合作，大家唔係好熟悉，有一次佢万岁请大家食Lunch，Shaun以为我係好锺意食健康嘢嘅人，专登嗌咗兜蔬菜畀我食，我望住兜嘢以为佢讲笑。当时阿Mo已经喺侧边爆笑，佢好清楚我唔係食呢啲嘢嘅人。”