香港
周柏豪率「种星堂」艺人连诗雅(Shiga)、郑融、梁诺妍、黎纪君、钟浠文、陈颖妮、黄祖贻、钟嘉骏及吴若希胞弟吴梓枫向《头条日报》读者拜年，望新一年身体健康。柏豪更以大前辈身份赠师弟妹几句，除起哄叫梁诺妍生个兔B外，更「醒」准陈太Shiga做好老婆要点。
采访：方骞平 摄影：谭志光 发型：kate@ hairculture 服装：yanyanknits, charles and keith (黎纪君) self portrait @stylecarousel (连诗雅) 场地：富豪香港酒店
去年周柏豪参与内地《声生不息》、《披荆斩棘》、《大湾仔的夜2》等共5个综艺节目，还有大量商演及广告等赚到猪茏入水，他坦言疫情下冇穿冇烂，仲赚到「开心价」非常幸福。
他更自爆好多朋友都有经济困难，他帮得就帮：「呢几年真系过得唔容易，边个人谂过飞机师会失业？就算我有朋友做医疗及医生都话唔掂，所以希望人人有工做，冇工开屋企人会冇嘢食，好彩家中港通关，世界都改变紧，要向好方面进发。」
柏豪内地星马开Show
曾连续两年夺无线「最受欢迎男歌星」的周柏豪，刚约满合作6年的星梦娱乐（TMG），最新广东歌《小船大海》及国语歌《敬老爸》交由经理人公司「种星堂」制作及发行，他解释因为想试新嘢：「家啲嘢要快，自己做有机会配合到变幻莫测慨大时代趋势，而且想将内地学到慨嘢放喺自己舞台，做到自己想做慨音乐。」
他更打算今年在内地及星马开个唱，但绝对唔会谂生多个B，亦斩钉截铁表示唔会出「意外」：「同太太Stephanie商量过，家一人抱一个，渠哋最有安全感，生多个慨话，其中一个就会被忽略。」柏豪又起哄叫育有一女的梁诺妍生多个，女方笑说：「咁养多只宠物啦！」她表示跟老公洪永城有家庭计划，不论生仔定女定孖胎都会生多一次。
Shiga做有童真陈太
4月准新娘Shiga对生儿育女抱顺其自然态度，因为婚后两天已经要开工，她认为结婚只系姓氏改变，仲坚持保持小朋友慨童真，对此，周柏豪即提点她：「结咗婚同先生关系会唔同咗，婚后另外有一头家顾慨嘢会多咗，你明唔明呀？睇嚟你仲未长大，仲系细路！」
柏豪又以派利是做例子：「婚后会轰烈式派利是，朋友会带埋仔女嚟拜年，我普遍要派6位数利是。」Shiga听到吓了一跳，笑言明年要去避年。柏豪即否定她说法：「家有埋电子利是冇得走鸡！」
Shiga自言有乜唔识，会向周柏豪及梁诺妍请教，周柏豪再认真提醒她：「夫妻间嗌交唔紧要，少少磨擦都OK，系一种沟通方式，要互相尊重。」
他再三提醒Shiga要好好Enjoy一生人得一次的婚礼，因为当日好快会过去。另外，38岁的郑融希望今年有自家创作作品及个唱外，最重要可以搵到真桃花，然后组织家庭生两个B。
特别声明：以上内容(如有图片或视频亦包括在内)为自媒体平台“网易号”用户上传并发布，本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
