《刑侦日记》星期1-5更新 记得星标上图公众号留意
▼HK快报▼
阿Sa关智斌孖住玩水!
艺人蔡卓妍(阿Sa)同关智斌十分老友,今次佢哋一齐去玩水,阿Sa水着上阵晒线头,而关智斌就大晒肌肉,俊男配美女,非常抢眼!两人喺社交网大晒靓相,阿Sa摆晒Pose劲Chill,关智斌就趴喺池边,唔讲以为佢哋拍紧广告呀!
阿Sa留言:“好耐冇同阳光玩游戏喇,真系好锺意同呢个人影相,因为佢点影都靓。”而关智斌就留言:“昨晚数过我们一起去过旅行的城市,由最热辣辣的曼谷、芭堤雅去到最冷的芬兰赫尔辛基的圣诞老人村,原来我俩都走了半个地球。今日再加一站,正蔡妍与刀疤斌。”
阿Sa意犹未尽,继续喺社交网发功,佢上载同关智斌揈水发嘅片,仲自嘲:“理想与现实嘅落差⋯点解,究竟我做错咗啲咩。”见到阿Sa揈克水发,啲头发黐实喺块面度,非常搞笑!
黎诺懿拖大肚妻睇骚 BB被赞脚头好
艺人黎诺懿太太李洁莹(Nicole)日前被爆成功怀上第二胎,令诺懿开心到癫,Nicole腹中块肉未足3个月,故诺懿至今仍未正面回应大家的祝福,但据知他禁不住喜悦,人前人后经常笑到四万咁口,前晚他更拖着太太欣赏老友黎瑞恩主演的舞台剧《男人40 CEO》。一身白色连身裙的Nicole步履轻盈,身材依然纤瘦,腹部微隆,诺懿全程小心照顾,全程拖到实,对于在场好友连声恭喜亦欣然接受。
连诗雅晒完美腹肌 睇佢饭盒就知点解咁Fit!
长腿女神连诗雅最近愈嚟愈大方,成日喺社交网派福利,大晒性感相!今次佢就大玩健康性感,晒出索爆自拍,佢以Sports Bra上阵,虽然事业线欠奉,但就胜在有腹肌,非常养眼!佢以英文留言话:“当你做紧你锺意嘅嘢,个感觉冇乜嘢,但就好享受!”
之后佢又喺限时动态上载饭盒相,见饭盒里面得6只虾、3只带子仔同埋几旧西兰花,睇见都觉得Dry,Keep fit真系唔简单㗎!
拍剧冇人追 陈滢自认系何雁诗只兵
艺人陈滢出席医学美容中心开幕,忙于拍摄无綫新剧《痞子殿下》的她,透露已连续两日没有瞓觉,不过能够吊威吔拍摄,已够她过足瘾:“晒咗12个钟,吊威吔过河好开心,依家黑咗好多,出晒啲斑,拍完剧真系要保养吓!(入行最辛苦嘅剧?)唔够瞓就预咗,但30几度着住4层衫,真系热到感冒,寻日拍拍吓不停流鼻水。”
谈到有指她近日收了唱片公司太子张子丰为“新兵”,陈滢大呼冤枉,她说:“一千个、一万个唔系,我哋系识咗好多年嘅朋友,嗰日系帮何雁诗拎件风褛放入张子丰个袋,我只系路过say hi就走咗!其实我系何雁诗只兵,还我清白吖!(张子丰畀人话系兵唔开心!)我先至系,好锺意做人兵添,锺意照顾人。(咁你有冇人追?)边有时间,平时我手机不离手,但拍呢套剧,可以成个星期都唔check手机。”
特别声明:以上内容(如有图片或视频亦包括在内)为自媒体平台“网易号”用户上传并发布,本平台仅提供信息存储服务。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.